Richard Tandy

Richard Tandy (26. mars 1948–1. mai 2024) var ein engelsk musikar som blei mest kjend som klaverspelar i Electric Light Orchestra («ELO»).^[1] Klaverinstrumenta hans (inkludert Mini Moog, clavinet, mellotron og piano) var ein viktig ingrediens i lyden til gruppa, hovudsakleg på albuma A New World Record, Out of the Blue, Discovery og Time.

Richard Tandy
Fødd	26. mars 1948
Fødestad	Birmingham
Død	1. mai 2024 (76 år)
Dødsstad	Albany i New York
Opphav	Storbritannia
Sjanger	Symfonisk rock, progressiv rock, kunstrock, poprock
Instrument	Moogsynthesizer, piano, elektrisk piano, clavinet, harmonium, cembalo, mellotron, klaverinstrument, gitar, bass, orgel
Tilknytte artistar	Electric Light Orchestra, Jeff Lynne, Tandy Morgan Band
Plateselskap	United Artists Jet Records Harvest Records Epic EMI SonyBMG
Verka som	musikar, gitarist, pianist, låtskrivar

Tandy var frå Birmingham og gjekk på skule i lag med den framtidige bandkollegaen Bev Bevan.^[2][3] Tandy byrja å spele med Bevan i 1968, då han spelte cembalo på The Move-hitten «Blackberry Way». Seinare, i 1972, var Tandy bassist i den første besetninga av ELO, og spelte stundom klaverinstrument, seinare på fulltid. I tillegg til ELO samarbeidde Tandy også med Lynne på andre prosjekt,^[3] som songar for Electric Dreams, soloalbumet til Lynne Armchair Theatre og det Lynne-produserte Dave Edmunds-albumet Information.