Discovery av Electric Light Orchestra

Discovery er det åttande studioalbumet til det britiske symfoniske rockebandet Electric Light Orchestra (ELO). Det kom ut i 1979.

Discovery album av Electric Light Orchestra
Språk	engelsk
Utgjeve	31. mai 1979 (UK) 8. juni 1979 (US)
Innspelt	Mars-april 1979, Musicland Studios, München i Tyskland
Sjanger	Symfonisk rock, poprock, disco
Lengd	38:53
Selskap	Jet
Produsent	Jeff Lynne
Electric Light Orchestra-kronologi
The Light Shines On Vol 2 (1979)	Discovery	ELO's Greatest Hits (1979)

Meldingar
Karakter
Kjelde	Karakter
Allmusic	[1]
Smash Hits	8/10[2]

Historie

Discovery var det første albumet deira som gjekk til topps på albumlista i Storbritannia.^[3] Det gjekk rett inn på toppen av lista og låg der i fem veker.^[3] Albumet inneheld fem hitsongar med «Shine a Little Love», «Don't Bring Me Down», «Last Train to London», «Confusion» og «The Diary of Horace Wimp», dei fleste av dei kraftig påverka av disco (Richard Tandy kom opp med namnet på albumet, Disco Very).^[4] «Don't Bring Me Down» var ein av berre to singlar som nådde topp tre på den britiske singellista (den andre var «Xanadu» i 1980), og singelen deira som nådde høgast på den amerikanske singellista med ein fjerdeplass. «The Diary of Horace Wimp» vart òg ein hit i Storbritannia, men var ikkje i disco-stil. Han var meir Beatles-liknande slik den tidlegare hitten deira «Mr. Blue Sky» hadde vore. Sjølve albumet var det første som skapte fire topp ti-singlar i Storbritannia (ein av dei var ei dobbel A-side) og selde etter kvart til dobbel platinaplate i USA (1997).

Discovery var det første ELO-albumet som ikkje hadde med ein fast stryketrio, som dei siste åra hadde vore Mik Kaminski, Hugh McDowell og Melvyn Gale. Dei er med på musikkvideoane til songane frå albumet, som vart laga erstatning for at det ikkje vart ein konsertturne etter albumet. Kort tid etter valde leiaren Jeff Lynne å sparke dei, sjølv om Kaminski spelte på Time-turneen i 1981-82, albumet Secret Messages i 1983 og Balance of Power-turneen i 1986.

Discovery vart mastra på ny som ein del av Epic/Legacy-serien i 2001. Av bonusspora var ein coverversjon av Del Shannon-klassikaren «Little Town Flirt», som vart påbyrjra under innspelinga av albumet, men ikkje gjort ferdig før det året albumet kom ut på ny i 2001.

Innhald

Side ein

Nr.	Tittel	Lengd
1.	«Shine a Little Love»	4:43
2.	«Confusion»	3:42
3.	«Need Her Love»	5:11
4.	«The Diary of Horace Wimp»	4:17

Alle spor skrivne av Jeff Lynne, utanom «Little Town Flirt» skriven av Maron McKenzie og Del Shannon.

Side to

Nr.	Tittel	Lengd
5.	«Last Train to London»	4:32
6.	«Midnight Blue»	4:19
7.	«On the Run»	3:55
8.	«Wishing»	4:13
9.	«Don't Bring Me Down»	4:02

Bonusspor på 2001-utgåva

Nr.	Tittel	Lengd
10.	«On the Run» (Home Demo)	1:01
11.	«Second Time Around» (Home Demo)	0:43
12.	«Little Town Flirt»	2:53

Medverkande

• Jeff Lynne – vokal, elektrisk & akustisk gitarar, piano, Yamaha CS80 synthesizer, produsent
• Bev Bevan – trommer, perkusjon, Rototoms, pauker
• Richard Tandy – piano, Yamaha CS80 synthesizer, Wurlitzer elektrisk piano, clavinet
• Kelly Groucutt – vokal, bass, korvokal
• Orkester dirigert av Louis Clark

Andre medverkande

• Mack – lydteknikar
• Jeff Lynne, Richard Tandy og Louis Clark – Orkester- og korarrangement
• Al Quaglieri – Produsent på nyutgjeving (2001)

Medverkande i musikkvideoane

• Jeff Lynne – vokal, gitar
• Bev Bevan – trommer
• Richard Tandy – klaverinstrument
• Kelly Groucutt – bassgitar, vokal
• Mik Kaminski – fiolin
• Hugh McDowell – cello
• Melvyn Gale – cello

Lister

Albumet vart særs populært i Noreg der det låg heile 12 veker på toppen av VG-lista og 34 veker i alt på Topp 40.

Vekeslister

Liste (1979–80)	Plassering
Australian K ent Music Report Album Chart[5]	1
Austerrike[6]	3
Canadian RPM Album Chart[7]	3
Nederlandsk albumliste - MegaCharts[8]	3
Frank albumliste - SNEP[9]	2
Italiensk albumliste[10]	4
Japansk albumliste - Oricon[11]	31
New Zealand[12]	2
Norsk albumliste - VG-lista[13]	1
Sverige[14]	2
UK Album Chart[15]	1
US Billboard 200[16]	5
US (CashBox)	5
West German Media Control Album Chart[17]	7

Årslister

Liste (1979)	Plassering
Australia[5]	2
Austerrike[18]	6
Canada[19]	5
Frankrike[20]	16
Italia[10]	15
UK Album Chart[21]	2
US Billboard Year-End[22]	74
Liste (1980)	Plassering
Australia[5]	48
UK Album Chart[21]	89

Føregangar Voulez-Vous ABBA

Toppen av VG-lista Electric Light Orchestra 12 veker, veke 25–36, 1979

Etterfylgjar Slow Train Coming Bob Dylan