Richie Faulkner

Richard Ian Faulkner (fødd 1. januar 1980) er ein engelsk gitarist.

Richie Faulkner
Richie Faulkner spelar med Lauren Harris under Gods of Metal-festivalen (2009).
Fødd	1. januar 1980 (45 år)
Fødestad	London i England
Fødenamn	Richard Ian Faulkner
Opphav	Storbritannia
Aktiv	2001 til i dag
Sjanger	Heavy metal, hardrock
Instrument	Gitar, vokal
Kjende instrument	Gibson Les Paul, Gibson Flying V
Tilknytte artistar	Judas Priest, Lauren Harris, Christopher Lee
Verka som	Musikar, låtskrivar

Faulkner vart fødd i London. Tidleg i karrieren sin spelte han i band som Dirty Deeds, Voodoo Six, Ace Mafia og bandet til Lauren Harris. Den 20. april 2011 vart han utpeikt som etterfølgjaren til K.K. Downing i heavy metal-bandet Judas Priest.^[1]

Den første konserten hans med bandet var 25. mai 2011 på American Idol, der bandet spelte «Living After Midnight» og «Breaking the Law» med James Durbin.^[2]

Han har òg arrangert musikk for heavy metal-albumet til skodespelaren Christopher Lee Charlemagne: The Omens of Death, som kom ut på 27. mai 2013 på 91-årsdagen til Lee.

Diskografi

• Deeds – Blown (2002)
• Voodoo Six – Feed My Soul (2006)
• Lauren Harris – Calm Before the Storm (2008)
• Ace Mafia – Vicious Circle (2009)
• Parramon – Dead People (2010)
• Christopher Lee – Charlemagne: The Omens of Death (2013) (arrangør av sju av ti spor)
• Primitai – Rise Again (2013) (gjest)
• Judas Priest – Redeemer of Souls (2014)
• Judas Priest - Battle Cry Live (2016)