Ricky Martin

Enrique Martín Morales, kjend som Ricky Martin (fødd 24. desember 1971) er ein puertoricansk popmusikar og skodespelar som oppnådde stor internasjonal merksemd og popularitet med hitsongar som «Livin' la Vida Loca», «She Bangs» og fleire album. Martin var fyrst medlem av gutegruppa Menudo og etter 1991 som soloartist.

Ricky Martin
Fødd	1971-12-2424. desember 1971 (53 år)
Fødestad	San Juan på Puerto Rico
Fødenamn	Enrique Martín Morales
Alias	Ricky Martin
Opphav	USA, Spania
Aktiv	1984–
Sjanger	pop, poprock, latino-pop, moderne R&B, danse-pop, reggae, reggaeton, latinamerikansk musikk
Instrument	vokal
Plateselskap	Sony Music, Columbia Records, Sony Music Entertainment
Verka som	songar, teaterskodespelar, komponist, modell, fjernsynsskodespelar, skribent
Gift med	Jwan Yosef
Prisar	Latin Recording Academy Person of the Year, Lo Nuestro Excellence Award, Grammy Award for Best Latin Pop Album, Grammy Award for Best Latin Pop Album, Latin Grammy Award for Best Male Pop Vocal Album, Latin Grammy Award for Best Pop Vocal Album, stjerne på Hollywood Walk of Fame, Billboard Spirit of Hope Award

I løpet av sin musikalske karriere har han selt over 60 millionar album over heile verda. Martin har fleire gongar blitt nominert til ein av dei «50 vakraste personane i verda» av blad som People magazine og spanskspråklege People en Español mellom 2000 og 2006.

Han grunnla den veldedige organisasjonen Ricky Martin Foundation (spansk Fundación Ricky Martin), som arbeider for levevilkåra til barn, i 1997.^[1]

Privatliv

I august 2008 blei Ricky Martin far til tvillinggutar ved hjelp av ei surrogatmor. Han stod i 2010 fram som homofil på den offisielle nettstaden sin.

Album

• Ricky Martin (1991)
• Me Amarás (1993)
• A Medio Vivir (1995)
• Vuelve (1998)
• Ricky Martin (1999)
• Sound Loaded (2000)
• Almas del Silencio (2003)
• Life (2005)
• Música + Alma + Sexo (2011)
• A Quien Quiera Esuchar (2015)