Rising for the Moon

Rising for the Moon er det tiande albumet til det britiske folkrockbandet Fairport Convention. Det nådde 52. plass på den britiske albumlista og var det siste Fairport-albumet med Sandy Denny.

Rising for the Moon Studioalbum av Fairport Convention
Utgjeve	Juni 1975
Innspelt	September 1974 og februar og mars 1975
Studio	Olympic Sound Studios i London
Sjanger	Rock
Lengd	42:07
Selskap	UK: Island
Produsent	Glyn Johns
Fairport Convention-kronologi
Fairport Live Convention (1974)	Rising for the Moon	Gottle O'Geer (1976)

Meldingar
Karakter
Kjelde	Karakter
AllMusic	[1]

I denne perioden vart bandet av tilhengjarane stundom kalla «Fotheringay Convention» og «Fotheringport Confusion»^[2] sidan kjernen i Fotheringay (Denny, ektemannen hennar Trevor Lucas og Jerry Donahue) alle var med i bandet (i lag med Dave Pegg, Dave Mattacks og Dave Swarbrick). Lucas frå Australia og amerikanaren Donahue vart med Pegg, Swarbrick og trommeslagar Dave Mattacks i 1973 for innspelinga av albumet Rosie.^[3] Denny reiste med bandet då dei turnerte i 1974 og starta å synge med dei på scenen.^[4]

Dette var det første Fairport Convention utan John Wood som produsent,^[5] og det einaste utan tradisjonelle songar.^[6] Med fleire solide songar på lager, gjekk dei i studio. Sjølv om songane framleis var basert i folkrock, førte produsent Glyn Johns med seg ein meir polert og pop-aktig lyd til innspelinga.^[5][6] Mattacks forlet halvvegs under innspelinga og vart erstatta av trommeslagar Bruce Rowland.^[5]

Dette var det siste Fairport-albumet som gjekk inn på den britiske albumlista før Red & Gold i 1989. Albumet nådde 52. plass på lista og låg der berre ei veke.^[7] Bandet (og særleg Denny) håpte på at Rising For The Moon endeleg skulle verte gjennombrotsalbumet deira, men uheldigvis vart det aldri så populært og i desember 1975, etter å ha turnert med albumet, forlet Donahue bandet, etterfølgd av Denny og Lucas kort tid etter.^[6][8] Pegg, Swarbrick og Rowland heldt fram i bandet og nytta erstattarar før dei klarte å overtale Simon Nicol om å kome attende.^[9]

Innhald

Side ein

Nr.	Tittel	Låtskrivar(ar)	Lengd
1.	«Rising for the Moon»	Sandy Denny	04:07
2.	«Restless»	Trevor Lucas, Peter Roche	03:58
3.	«White Dress»	Dave Swarbrick	03:43
4.	«Let It Go»	Denny, Swarbrick, Dave Pegg	02:00
5.	«Stranger To Himself»	Denny	02:50
6.	«What Is True»	Denny	03:33

Side to

Nr.	Tittel	Låtskrivar(ar)	Lengd
7.	«Iron Lion»	Lucas	03:27
8.	«Dawn»	Denny, Jerry Donahue	03:43
9.	«After Halloween»	Denny	03:38
10.	«Night-Time Girl»	Swarbrick, Pegg	02:55
11.	«One More Chance»	Denny	07:55

Bonusspor på CD-utgåve

Nr.	Tittel	Låtskrivar(ar)	Lengd
12.	«Tears»	Lucas	04:09
13.	«Rising for the Moon» (demo)	Denny	03:06
14.	«Stranger to Himself» (demo)	Denny	02:17
15.	«One More Chance(Denny)» (demo)	Denny	03:46

Medverkande

• Sandy Denny: vokal, piano
• Trevor Lucas: vokal, rytmegitar
• Dave Swarbrick: vokal, fiolin, mandolin, dulcimer
• Jerry Donahue: sologitar
• Dave Pegg: bass, mandolin, korvokal
• Dave Mattacks: trommer (Rising for the Moon, Restless, White Dress, Dawn, One More Chance)^[5]
• Bruce Rowland: trommer (Let It Go, Stranger To Himself, What Is True, Iron Lion, After Halloween, Night-Time Girl)