Rock and Roll av Gary Glitter

«Rock and Roll», òg kjend som «The Hey Song», er ein song av den britiske glamrockartisten Gary Glitter som kom ut i 1972 som singel og på albumet Glitter. Han vart skriven av Glitter og Mike Leander og er delt i to delar: Part 1 er ein vokal versjon som omhandlar historia til rock and roll, medan Part 2 hovudsakleg er ein instrumental. Begge delane vart populære i Storbritannia og songen gjekk til andreplassen på den britiske singellista. På konsertane sine brukte Glitter å slå dei to delane saman.

Rock and Roll Singel av Gary Glitter frå albumet Glitter
A-side	«Rock and Roll Part 1»
B-side	«Rock and Roll Part 2»
Land	USA
Utgjeve	1972
Innspelt	1971
Sjanger	Glamrock, poprock
Lengd	3:02 (Part 1) 3:10 (Part 2)
Selskap	Bell Records
Låtskrivar(ar)	Gary Glitter, Mike Leander
Produsent	Mike Leander
Gary Glitter-kronologi
	Rock and Roll	«I Didn't Know I Loved You (Til I Saw You Rock 'n' Roll)» (1972)

I USA var det den instrumentale delen (Part 2) som vart mest populær og nådde sjuandeplassen på Billboard Hot 100. Part 2 av songen er ofte nytta på forskjellige sportshendingar i Canada og USA, særleg når heimelager scorar (eller vinn).

Kallenamnet «The Hey Song» kjem av det einaste ordet i Part 2 er «hey».

I 2005-2006 vart Glitter dømd for utukt mot mindreårige jenter i Vietnam. NFL bad då laga om å stoppe å spele songen, sjølv om Glitter alt hadde vorte dømd og fengsla for eige av barnepornografi i Storbritannia i 1997. NFL har gjeve løyve til ein coverversjon av songen av Tube Tops 2000 som no vert nytta i staden.^[1]

Populærkultur

Part 2 av songen er nytta i mange filmar, som

• The Sandlot (1993)
• Reality Bites (1994)
• D2: The Mighty Ducks (1994)
• Happy Gilmore (1996)
• Eddie (1996)
• The Full Monty (1997)
• Small Soldiers (1998)
• Any Given Sunday (1999)
• The Beautiful Game (1999)
• Bedazzled (2000)
• The Replacements (2000)
• Sugar & Spice (2001)
• Moonlight Mile (2002)
• Like Mike (2002)
• Meet the Fockers (2004)
• The Longest Yard (2005)
• Ice Princess (2005)
• Semi-Pro (2008)
• Four Christmases (2008)
• South Park episode «Elementary School Musical» (2008)
• "Causa y Efecto" (2009)

Andre versjonar

Andre artistar som har spelt inn songen er D.I., Phish, The Human League, DNA (med Rick Derringer og Carmine Appice) og Doctorin' the Tardis (i røynda The KLF).

The Black Keys bygde songen «Howlin' For You» kring den særeigne trommerytmen i «Rock and Roll».^[2] Songen har òg eit liknande gitarriff som Gary Glitter-songen.