Rolf Dreng

Rolf Dreng (fødd 14. november 1916 i Tjølling, død 9. desember 1941 i Sullom Voe på Shetland)^[1] var ein norsk kvalfangar og soldat i Kompani Linge.

Rolf Dreng
Statsborgarskap	Noreg
Fødd	14. november 1916 Tjølling
Død	9. desember 1941 (25 år)
Yrke	kvalfangst
Medlem av	Kompani Linge

Dreng mista livet i ei ulukke ombord på det britiske marinefartøyet HMS Prince Charles. Fem britiske marinefartøy, HMS Ingelfield, HMS Offa, HMS Icarus, HMS Intrepid og troppetransportskipet HMS Prince Charles, låg den 9. desember 1941 klar i Sullom Voe med ca. 280 soldatar frå 6th Commando og Kompani Linge ombord for å gjennomføre commandoaksjonen Operasjon Kitbag mot Florø i Sogn og Fjordane. Under armering av handgranatar under dekk på Prince Charles gjekk ein skarp granat av og drap tre^[2] soldatar på åstaden, mellom dei Rolf Dreng og Karl O. Braathen frå Kompani Linge. Dreng ligg gravlagd på Lerwick Cemetery i Lerwick på Shetland.^[3]