Romanen Andvake

Andvake er namnet på ei forteljing av Jon Fosse, utgjeven på Det norske Samlaget i 2007. Romanen handlar om ung kjærleik og om menneskeleg brutalitet, når eit ungt par som ventar barn er drive heimanfrå, og kjem inn til Bjørgvin for å finne arbeid og ein stad å bu.^[1]

For andre tydingar av oppslagsordet, sjå Andvake (fleirtyding).

Berre kvila litt fyrst, seier Asle Du har nesten ikkje sove på aldri så lenge, seier Alida Nei, seier han Du må vere veldig trøytt, seier ho Ja, seier Asle Og svolten òg, seier Alida Ja veldig svolten, seier han Fyrst kvila litt, og så eta, seier han Frå Andvake av Jon Fosse

Forteljinga held fram i bøkene Olavs draumar (2012) og Kveldsvævd (2014). Forfattaren fekk i 2015 Nordisk råds litteraturpris for denne romantriologien.

Romantittelen

Ordet andvake tyder 'søvnlaus' eller 'søvnlaust' (jf. «andvaken»).^[2] I norrønt kunne substantivet andvaka tyde både 'nattevak', 'søvnløyse', 'aktsemd' og 'vaktsemd' (bm. «årvåkenhet»).^[3]