Rough and Rowdy Ways

Rough and Rowdy Ways er det 39. studioalbumet til den amerikanske visesongaren Bob Dylan, gjeve ut 19. juni 2020 på Columbia Records. Det er det første albumet til Dylan med originale songar sidan Tempest frå 2012, og kom ut etter ein trio med album der han spelte tradisjonell pop-standardar.

Rough and Rowdy Ways Studioalbum av Bob Dylan
Språk	engelsk
Utgjeve	19. juni 2020
Sjanger	Americana[1] rhythm and blues[2]
Lengd	1:10:33
Selskap	Columbia
Bob Dylan-kronologi
Triplicate (2017)	Rough and Rowdy Ways
Singlar frå Rough and Rowdy Ways
«Murder Most Foul» Utgjeve: 27. mars 2020 «I Contain Multitudes» Utgjeve: 17. april 2020 «False Prophet» Utgjeve: 21. juni 2020

Før albumet kom ut kom singlane «Murder Most Foul», «I Contain Multitudes» og «False Prophet». Rough and Rowdy Ways kom ut som eit dobbeltalbum^[3], der heile den andre plata består av «Murder Most Foul». Albumet inneheld bidrag frå Fiona Apple og Blake Mills.^[4]

Utgjeving

Den 27. mars 2020 kom singelen «Murder Most Foul» ut, heilt uannonsert.^[5] Det var den første originale songen til Dylan sidan 2012.^[6][7] 17. april 2020 kom den andre singelen, «I Contain Multitudes», ut.^{[8][9][10][11]}

Rough and Rowdy Ways vart offisielt utgjeve 8. mai 2020.^[12] Den tredje singelen frå albumet, «False Prophet», kom ut same dagen.^[13] Den 11. juni 2020 avslørte YouTube-kanalen til Bob Dylan heile sporlista på albumet.^[14]

Mottaking

Meldingar
Samla karakter
Kjelde	Karakter
Metacritic	95/100[15]
Karakter
Kjelde	Karakter
AllMusic	[16]
BBC	[17]
Consequence of Sound	B–[18]
The Daily Telegraph	[19]
The Guardian	[2]
The Independent	[20]
Mojo	[21]
NME	[22]
Pitchfork	9.0/10[23]
Rolling Stone	[24]

Dei første meldingane om albumet var særs positive og gav ein samla score på 95/100 på Metacritic, basert på 16 meldingar.^[15] Neil McCormick i The Daily Telegraph gav albumet fem av fem stjerner.^[19] Anne Margaret Daniel skreiv for Hot Press og sa «Rough and Rowdy Ways er ei plate me treng akkurat no, og ho vil vare.»^[25] Mikael Wood i Los Angeles Times, sa at albumet «rullar ut det eine vedunderet etter det andre.»^[26] Slate kalla albumet det beste til Dylan på «mange år, kanskje tiår» for breidda i dei kulturelle referansane og djupa i tekstane og låtskrivinga til Dylan.^[27] The New York Times skildra songane som «dels dødsheimsøkt og kantantisk,» og rivaliserte med «den dystre, galgenhumoren som var så overbevisande på Time Out of Mind (1997) og Love and Theft (2001).»^[28]

Innhald

Plate 1

Nr.	Tittel	Lengd
1.	«I Contain Multitudes»	4:36
2.	«False Prophet»	6:00
3.	«My Own Version of You»	6:41
4.	«I've Made Up My Mind to Give Myself to You»	6:32
5.	«Black Rider»	4:12
6.	«Goodbye Jimmy Reed»	4:13
7.	«Mother of Muses»	4:29
8.	«Crossing the Rubicon»	7:22
9.	«Key West (Philosopher Pirate)»	9:34
Total lengd		53:39

Alle spor skrivne av Bob Dylan

Plate to

Nr.	Tittel	Lengd
1.	«Murder Most Foul»	16:54
Total lengd		16:54

Medverkande

Musikars Bob Dylan – vokal, gitar, produsent Bob Britt – gitar Matt Chamberlain – trommer Tony Garnier – bassgitar Donnie Herron – steelgitar, fiolin, trekkspel Charlie Sexton – gitar

Andre medverkande Fiona Apple – vokal Blake Mills Alan Pasqua Tommy Rhodes Benmont Tench

Lydteknikarar Greg Calbi – mastering Joseph Lorge – assisterande lydteknikar Chris Shaw – lydteknikar, miksing Kunst Ian Berry – foto på framsida Josh Cheuse – albumdesign