Roustabout

Roustabout er det 21. albumet til Elvis Presley, gjeve ut på RCA Victor Records i mono og stereo, LPM/LSP 2999, i oktober 1964. Det inneheldt filmmusikken til filmen med same namn. Innspelinga fann stad i Radio Recorders i Hollywood den 2. og 3. mars og 29. april 1964. Det nådde toppen av Billboard Top LP's-lista.^[2] Det selde til gullplate 20. mai 1988 av Recording Industry Association of America.^[3] Albumet vart det siste filmmusikkalbumet som nådde toppen av lista og det siste albumet generelt som nådde toppen før Aloha From Hawaii: Via Satellite i 1973.^[2]

Roustabout Filmmusikkalbum av Elvis Presley
Språk	engelsk
Utgjeve	20. oktober 1964
Innspelt	2. og 3. mars, 29. april 1964
Sjanger	Pop
Lengd	20:05
Selskap	RCA Victor
Produsent	Joseph Lilley
Elvis Presley-kronologi
Kissin' Cousins (1964)	Roustabout	Girl Happy (1965)

Meldingar
Karakter
Kjelde	Karakter
Allmusic	[1]

Innhald

Presley fekk betalt mellom 225 000 til 1 000 000 dollar på førehand av kvar film han deltok i, ofte halve budsjettet til produksjonen. I tillegg fekk han halvparten av inntektene frå filmane.^[4] Desse filmane vart stundom filma på under tre veker, og all musikk til filmen og albumet tok sjeldan meir enn to veker.^[4] Det var ansvaret til Freddy Bienstock, assistenten til manageren til Presley, Colonel Tom Parker, å sikre at songane passa inn i inntektslikninga og utgjevingane vart kontrollerte av Elvis Presley Music eller Gladys Music, som var Hill and Range Publishing-selskap som Presley og Parker eigde. På grunn av dette mista suksessrike låtskrivarar som Doc Pomus og Mort Shuman, Otis Blackwell og Winfield Scott, og Don Robertson interessa i å skrive songar for Presley.^[4] Det var samverkande marknadsføring, og ein tilsett i MGM sa at filmane «ikkje trengde titlar. Me kunne ha gjeve dei nummer. Dei ville likevel ha selt bra».^[4]

Blackwell og Scott skreiv faktisk ein kandidat til tittelsporet, «I'm a Roustabout» som vart spelt inn 3. mars, men fann ut at songen vart byta ut med ein song frå andre låtskrivarar.^[5] Denne innspelinga vart etter kvart gjeven ut av RCA på samlealbumet 2nd to None i 2003.^[6]

Presley og klikken hans som bestod av dei beste studiomusikarane pløydde seg gjennom alt dette, og spelte inn elleve songar som resulterte i 25 minuttar med musikk på albumet. Fire av sognane frå dette albumet kom seinare ut på samlealbumet The Essential 60s Masters II i 1995: «Roustabout», «Little Egypt», «Poison Ivy League» og «There's a Brand New Day on the Horizon».^[7]

Medverkande

• Elvis Presley – vokal
• The Jordanaires – korvokal
• The Mello Men – korvokal (på «Roustabout»)
• Boots Randolph – saksofon
• Scotty Moore, Billy Strange – elektrisk gitar
• Tiny Timbrell – akustisk gitar
• Floyd Cramer, Dudley Brooks – piano
• Bob Moore, Ray Siegel – kontrabass
• D.J. Fontana, Buddy Harman, Hal Blaine – trommer

Innhald

Side ein

Nr.	Tittel	Låtskrivar(ar)	Innspelt	Lengd
1.	«Roustabout»	Bernie Baum, Bill Giant, Florence Kaye	29. april 1964	1:56
2.	«Little Egypt»	Jerry Leiber og Mike Stoller	2. mars 1964	2:15
3.	«Poison Ivy League»	Bernie Baum, Bill Giant, Florence Kaye	2. mars 1964	2:02
4.	«Hard Knocks»	Joy Byers	2. mars 1964	1:42
5.	«It's a Wonderful World»	Sid Tepper og Roy C. Bennett	2. mars 1964	1:48
6.	«Big Love Big Heartache»	Dolores Fuller, Lee Morris, Sonny Hendrix	3. mars 1964	1:57

Side to

Nr.	Tittel	Låtskrivar(ar)	Innspelt	Lengd
1.	«One Track Heart»	Bernie Baum, Bill Giant, Florence Kaye	3. mars 1964	2:15
2.	«It's Carnival Time»	Ben Weisman og Sid Wayne	3. mars 1964	1:32
3.	«Carny Town»	Fred Wise og Randy Starr	3. mars 1964	1:19
4.	«There's a Brand New Day on the Horizon»	Joy Byers	3. mars 1964	2:00
5.	«Wheels on My Heels»	Sid Tepper og Roy C. Bennett	3. mars 1964	1:19

Plassering

Album

Lister (1965)	Plassering
Billboard Pop Albums (Billboard 200)	1

Region Salstrofé Salstal USA (RIAA)[8] Gull 500 000^