Rubin

Rubin er ein raud varietet av mineralet korund. Fargen kjem av små mengder av krom. Klåre rubinar høyrer til dei venaste, mest sjeldne og kostbare edelsteinane. Dei blir vanlegvis slipte med fasettar. Mindre klåre steinar blir gjerne slipt som cabochon. Såkalla stjernerubin viser ei rørleg 6-takka stjerne på yta, ein effekt kalla asterisme.

Rubin
Naturlege rubinkrystallar frå Winza i Tanzania
Generelt
Kategori	Mineral-varietet
Kjemisk formel	Aluminiumoksid med krom, Al2O3:Cr
Identifikasjon
Farge	Raud, kan vere brunaktig, lillaaktig eller rosaaktig
Krystallform	Varierer me lokaliteten. Endar i tavleforma heksagonal prisme.
Krystallsystem	Trigonal (heksagonal skalenoeder), symbol (−3 2/m), Romgruppe R3c
Kløyv	Ikkje verkeleg kløyv
Brot	Ujamn eller muslig
Mohs hardleiksskala	9,0
Glans	Glasaktig
Strekfarge	kvit
Transparens	Gjennomsiktig
Spesifikk vekt	4,0
Optiske eigenskapar
Brytingsindeks	nω=1,768–1,772 nε=1,760–1,763
Dobbeltbryting	0.008
Pleokroisme	Oransjeraud, lillaaktig raud
Ultrafiolett fluorescens	raud under langbølgja stråling
Smeltepunkt	2044 °C
Oppløyselegheit	ingen

Rubinar har vore høgt skatta heilt sidan antikken og har vore gjenstand for overtru, mytar og segner. Dei beste, dueblodsraude rubinane kjem frå Mogok-distriktet i Myanmar, medan rubinar frå Sri Lanka, Thailand og India kan ha meir variable og ureine fargar. Rubinar frå Froland i Aust-Agder kan til dels ha god farge, men er for uklåre til å ha nokon stor verdi som edelstein.

Rubinar kan òg framstillast syntetisk.