Sa'ir

Sa'ir (arabisk سعير, òg skrive Saeer)^[1] er ein palestinsk by i Hebron guvernement sør på Vestbreidda, 8 km nordaust for Hebron. I nærleiken ligg Beit Fajjar og al-Arroub i nord, Beit Ummar i nordvest, Halhul i vest og Beit Einun og ash-Shuyukh i sør. Daudehavet ligg like aust for kommunegrensa til Sa'ir.^[2] I 2007 hadde byen i følgje Palestinsk statistisk sentralbyrå eit folketal på over 18 045.^[3]

Sa'ir
سعير, Sa'eer, Saiour
kommune
Namneopphav: Liten
Land	Dei palestinske territoria
Guvernement	Hebron guvernement
Koordinatar	31°35′04″N 35°08′43″E
Areal	117,0 km²
Folketal	18 045  (2007)
Folketettleik	154 / km²
Borgarmeister	Hakim Shlalda
Sa'ir 31.584444444444°N 35.145277777778°E / 31.584444444444; 35.145277777778
Kart som viser Sa'ir. Kart som viser Sa'ir.

Historie

Under Romarriket vart byen kalla Sior, som kjem frå det arameiske ordet sar eller «høgd»^[2] Det er gjort funn av bysantinsk keramikk.^[4] Palestine Exploration Fund skreiv i Survey of Western Palestine (SWP) at: «Grava til El 'Ais (Esau), sør for landsbyen, ere it kammer som er 37x20 fot, med ein Mihrab på sørveggen. Det er hengd opp eit strutse-egg i nærleiken. Det ligg òg gravholer sørvest for denne staden.»^[5]

Osmansk tid

I 1596 stod Sa'ir oppført i osmanske skattelister som ein del av Halil nahiya i Quds Liwa. Han hadde ein heilt muslimsk folkesetnad på 72 hushaldningar. Skattar vart betalte for kveite, bygg, sommaravlingar, oliventre, geiter og/eller bikubar.^[6]

Den franske oppdagaren Victor Guérin vitja landsbyen i 1860-åra, og estimerte at han hadde kring 400 innbyggjarar.^[7] SWP skildra Sa'ir i 1883 som «ein mellomstor landsby, i ein dal omgjeve av oppdyrka mark.» Dei lokal muslimane meinte at ein maqam («grava til ein heilag person») i Sa'ir var grava til Esau, som dei kalla «Aisa.» SWP meinte at dette var feil og at grava til Esau var på det bibelske fjellet Seir.^[8][9][10]

Det britiske mandatet era

I folketeljinga i 1922, utført av Dei britiske mandatstyresmaktene, hadde Sa'ir eit folketal på 1 477, alle muslimar.^[11] I folketeljinga i 1931 var folketalet i Si'ir 1 967, framleis berre muslimar, i 388 busette hus.^[12] I 1945 var folketalet i Si'ir 2 710, alle arabarar, som eigde 92 423 mål land i følgje ei offisiell landmåling.^[13] 2 483 mål var plantasjar og irrigert land, 10 671 for korn,^[14] medan 76 mål var utbygd (urbant) land.^[15]

Etter 1948

Etter den arabisk-israelske krigen i 1948, og etter våpenkvileavtalen i 1949, Sa'ir under Jordan sitt styre.

Etter Osloavtalen i 1993 hamna Sa'ir i «Område B» som gav Den palestinske sjølvstyresmakta (PNA) kontroll over sivile saker i byen, medan Israel heldt kontroll over tryggleiken.