Salangen kommune

68°52′34″N 017°50′30″E

Salangen kommune
kommune
Kommunevåpen
Land	Noreg
Fylke	Troms
Adm.senter	Sjøvegan
Areal	458 km²
•  land	440 km²
•  vatn	18 km²
Folketal	2 116  (1. januar 2025)
Målform	nøytral
Ordførar	Simon Løvhaug (Sp)
Kommunenr.	5522
Salangen kommune 68.900555555556°N 17.893055555556°E / 68.900555555556; 17.893055555556
Kart som viser Salangen kommune. Kart som viser Salangen kommune.
Wikimedia Commons: Salangen
Nettstad: www.salangen.kommune.no

For fjorden som kommunen er kalla opp etter, sjå Salangsfjorden

Salangen kommune (nordsamisk Siellága suohkan) er ein kommune i Troms fylke. Kommunen grensar i nord mot Dyrøy og Sørreisa kommunar, i aust mot Bardu, i sør mot Lavangen, og over Sagfjorden i vest mot Ibestad. Kommunen høyrde tidlegare til Troms fylke, og ligg i indre Sør-Troms.

Kommunesenteret Sjøvegan ligg inst i Sagfjorden.

Kommunevåpenet

Kommunevåpenet viser ein sølvgrå sel på blå botn. Bakgrunnen for kommunevåpnet er namnet til kommunen som på norrønt er Selanger, med tydinga 'Selfjorden'.

Kyrkjer og kapell

Salangen kyrkje ligg i kommunesentret Sjøvegan og vart teken i bruk i 1981. Kyrkja er bygd av betong og tre. Elvenes kapell ligg på Elvenes 11–12 km austom kommunesentret Sjøvegan.

Samferdsle i Salangen

Salangen vinterstid.
Foto: Sigmund Pettersen

Avstandar

• Sjøvegan–Tromsø: 187,1 km
• Sjøvegan–Harstad: 141,9 km (via Bjerkvik)
• Sjøvegan–Harstad: 77,9 km (via Sørrollnes inkludert ferjetur)
• Sjøvegan–Narvik: 91,1 km
• Sjøvegan–Finnsnes: 70,8 km

Snøggbåt

Det er snøggbåtsamband med Brøstadbotn, Engenes og Harstad.

Buss

Det er bussamband med Tromsø, Finnsnes, Harstad og Narvik.

Kultur

Idrett

Salangen har tre idrettslag, Salangen idrettsforening, Øvre Salangen idrettslag og Seljeskog idrettslag.

Historie

Salangen kommune vart oppretta i 1871, då han vart skild ut frå Ibestad kommune. 1. januar 1964 vart nabokommunen Lavangen kommune innlemma i Salangen kommune, men vart skild ut att i 1977. Området Lavangsnes vart då verande att i Salangen kommune.

Folketalsutvikling

Folketalsutvikling for Salangen kommune frå 1875:

1875[1]	1900[1]	1.12.1920[2]	1.12.1930[3]	3.12.1946[3]	1.1.1951[4]	1.1.1961[4]	1.1.1981[4]	1.1.1991[4]	1.1.2001[4]	1.1.2010[4]
1562a	2280a	2717a	2616a	2885a	2813a	2655a	2507	2549	2358	2211

^a Talet omfattar ikkje Lavangsnes, som var del av Lavangen kommune fram til kommunesamanslåinga i 1964.