Sally Oldfield

Sally Patricia Oldfield (fødd 3. august 1947)^[1] er ein irskfødd britisk visesongar, og syster til musikarane Mike og Terry Oldfield.

Sally Oldfield
Fødd	3. august 1947 (78 år)
Fødestad	Dublin i Irland
Fødenamn	Sally Patricia Oldfield
Opphav	Storbritannia
Aktiv	Sidan 1968
Sjanger	pop, folk
Plateselskap	Bronze Records, CBS Records International
Verka som	Songar-låtskrivar

Oldfield starta musikkarrieren sin tidleg i 1968, då ho spelte inn ein demo i lag med den yngre broren Mike Oldfield. Desse innspelingane vart føreslått og overvaka av Mick Jagger. Det er ikkje kjend kva som skjedde med desse innspelingane.^[2] Kort tid etter skip ho ein viseduo, The Sallyangie, i lag med broren Mike. Duoen fekk kontrakt med Transatlantic Records og spelte inn eit enkelt album, etter tilråding frå Pentangle-gitaristen John Renbourn, som Oldfield møtte på Troubadour Folk Club i Bristol. Albumet Children of the Sun vart spelt inn i august 1968.

Oldfield var sidan gjesteartist på korvokal på fleire av albuma til broren Mike, inkludert Tubular Bells. Oldfield sjølv gav ut det første soloalbumet sitt, Water Bearer, i 1978. Songen hennar «Mirrors» frå dette albumet vart gjeven ut på singel og nådde 12. plassen på UK Singles Chart.^[3] Sidan den gongen har ho gjeve ut femten soloalbum.

I tillegg til broren har ho sunge i lag med Steve Hackett og Justin Hayward frå The Moody Blues.

Diskografi

Solo

• 1978 – Water Bearer
• 1979 – Easy
• 1980 – Celebration
• 1981 – Playing in the Flame
• 1982 – In Concert
• 1983 – Strange Day in Berlin
• 1987 – Femme
• 1988 – Instincts
• 1990 – Natasha
• 1992 – The Flame as 'Natasha Oldfield'
• 1994 – Three Rings
• 1996 – Secret Songs
• 2001 – Flaming Star
• 2009 – Cantadora
• 2012 – Arrows of Desire
• 2018 – The Enchanted Way
• 2019 – Mystique

Med Steve Hackett

• 1975 – Voyage of the Acolyte

Med Mike Oldfield

• 1973 – Tubular Bells
• 1974 – Hergest Ridge
• 1975 – Ommadawn
• 1978 – Incantations
• 2002 – Tres Lunas
• 2003 – Tubular Bells 2003