Steve Hackett

Stephen Richard «Steve» Hackett (fødd 12. februar 1950)^[1] er ein britisk songar, låtskrivar og gitarist. Han vart kjend som medlem av den britiske progrockgruppa Genesis, som han spelte i frå 1970 til han slutta i 1977 for å starta ein solokarriere. Hackett medverka på seks studioalbum med Genesis, tre konsertalbum og sju singlar.^[2]

Steve Hackett
Steve Hackett på konsert i Braunschweig i Tyskland i 2005.
Fødd	12. februar 1950 (75 år)
Fødestad	Pimlico i London i England
Fødenamn	Stephen Richard Hackett
Alias	Steve Hackett
Opphav	Storbritannia
Aktiv	1970 til i dag
Sjanger	Progressiv rock, kunstrock, klassisk musikk, blues, poprock
Instrument	Gitar, munnspel, vokal, klaverinstrument, bass
Kjende instrument	Gibson Les Paul
Plateselskap	Charisma, Camino, Chrysalis (US), Epic (US), Gramy, Lamborghini, Start, Wolfwork, Blue Plate/Caroline (US), InsideOut
Verka som	Musikar, låtskrivar, plateprodusent

I 1986 var Hackett med på å starte supergruppa GTR med gitaristen Steve Howe frå Yes og Asia. Gruppa gav ut eit album kalla opp etter bandet, og dette nådde 11. plass på Billboard 200 i USA og gav dei hitsingelen «When the Heart Rules the Mind».^[1] Då Hackett forlét GTR i 1987 vart bandet oppløyst.

Etter å ha slutta i GTR fortsette Hackett solokarrieren sin og har gjeve ut album og turnert fast sidan den gong. Han har vore innom mange musikkstilar som progressiv rock, verdsmusikk og klassisk. Spelestilen hans har inspirert gitaristar som Eddie Van Halen, Alex Lifeson^[3] og Brian May.^[4] Han vart innlemma i Rock and Roll Hall of Fame som medlem av Genesis i 2010.

Diskografi

• Voyage of the Acolyte (1975)
• Please Don't Touch (1978)
• Spectral Mornings (1979)
• Defector (1980)
• Cured (1981)
• Highly Strung (1982)
• Bay of Kings (1983)
• Till We Have Faces (1984)
• Momentum (1988)
• Guitar Noir (1993)
• Blues With A Feeling (1994)
• Watcher of the Skies: Genesis Revisited (1996)
• A Midsummer Night's Dream (1997)
• Darktown (1999)
• Sketches of Satie (2000) (with John Hackett)
• Feedback 86 (2000)
• To Watch the Storms (2003)
• Metamorpheus (2005)
• Wild Orchids (2006)
• Tribute (2008)
• Out of the Tunnel's Mouth (2009)
• Beyond the Shrouded Horizon (2011)
• A Life Within A Day (2012) (med Chris Squire)
• Genesis Revisited II (2012)^[5]
• Wolflight (2015)
• The Night Siren (2017)
• At the Edge of Light (2019)
• Under a Mediterranean Sky (2021)
• Surrender of Silence (2021)
• The Circus and the Nightwhale (2024)