Saul Perlmutter

Saul Perlmutter (fødd 22. september 1959) i Campaign County i Illinois er ein amerikansk astrofysikar ved Lawrence Berkeley National Laboratory. Han er kjend for å ha leia Supernova Cosmology Project, eitt av de to forskarlaga som i 1998 samtidig fann belegg for at ekspansjonen til universet synes å akselerere.^[1] Denne oppdaginga gav opphav til hypotesen om mørk energi. I 2011 vart Perlmutter tildelt Nobelprisen i fysikk for oppdaginga av akselerasjonen til det ekspanderande universet gjennom observasjonar av fjerne supernovaer.^[2] Perlmutter vart tildelt halvparten av prisen, medan Adam Riess og Brian Schmidt delte den andre halvparten. Perlmutter studerte ved Harvard University der han avla eksamen i 1981. Han har ein filosofisk doktorgrad frå University of California (1986) og er medlem i American Academy of Arts and Sciences.

Saul Perlmutter
Fødd	22. september 1959 Champaign
Nasjonalitet	USA
Område	astrofysikk
Yrke	fysikar, astronom, professor, astrofysikar, forskar
Institusjonar	University of California, Berkeley
Alma mater	Harvard University University of California, Berkeley Germantown Friends School Greene Street Friends School
Doktorgradsrettleiar	Richard A. Muller
Medlem	National Academy of Sciences American Academy of Arts and Sciences American Astronomical Society American Association for the Advancement of Science American Physical Society