Scuol

Scuol (av latin scopulus, ‘klippe’) er ein kommune i distriktet Inn i den sveitsiske kantonen Graubünden. Kommunesenteret ligg 1290 meter over havet. Kommunen hadde 2 376 innbyggjarar i 2010, og eit areal på 144 km². Den 1. januar 2015 blei kommunen slått saman med 5 andre kommunar, Ardez, Ftan, Guarda, Sent og Tarasp, til den flatemessig største kommunen i Sveits. Han har no rundt 4 700 innbyggjarar og eit areal på 439 kvadratkilometer.

Scuol i Unterengadin

Scuol
Kommunevåpenet til Scuol
Plassering
Styresmakter
Land	Sveits
Kanton	Graubünden
Distrikt	Inn
Språk	retoromansk, tysk
Geografi
Flatevidd  - kommune	144,14 km²
Innbyggjarar  - kommune (desember 2010)    - folketettleik	2 376   16,5 /km²
Koordinatar	46°48′0″N 10°17′0″E
Høgd over havet	1290 moh.
Diverse annan informasjon
Postnummer	7545 Guarda 7546 Ardez 7550 Scuol 7551 Ftan 7553 Tarasp 7554 Sent
Nettstad: www.scuol.ch

Det offisielle språket er retoromansk, slik det er i heile området Unterengadin, men befolkninga snakkar også sveitsartysk.

Geografi

Heile sørsida mot Piz Champatsch er ein del av skiområdet Motta Naluns med totalt 80 km med løyper og 12 heisar, noko som gjer det til eit av dei største skiområda i Sveits.^[1]

Kommunen er hovudstad i Inn og høyrer til Suot Tasna kreis. Han er ein kjend kurstad og feriestad og eit handelssenter i Unterengadindalen. Han er den største landsbyen på venstresida av elva Inn. Han består av landsbyen Scuol med delar av Pradella og dan gamle gruvelandsbyen S-charl.

Klima

Unterengadin er kjent for sitt solrike klima og er mellom de turraste områda i heile alperegionen. Hovudmengda av nedbøren kjem om sommaren, mens februar er den turraste månaden. Området har lite fønvind, så det er jamnast ein del snø om vinteren.

Bygningar

Den seingotiske kyrkja St. Georg er frå 1516. Bydelen Scuol Sot har gamle og velhaldne bustadhus.

Samferdsle

Scuol er austleg endestasjon på den engandinske delen av Rhätische Bahn, eit smalspora jarnbanenett i Graubünden.