Shameless av Billy Joel

«Shameless» er ein song skriven av den amerikanske songaren Billy Joel og gjeve ut i 1989 for albumet Storm Front. Songen vart òg gjeven ut som singel og nådde 40. plassen på Hot Adult Contemporary Tracks-lista. To år seinare vart han spelt inn av countryartisten Garth Brooks for det tredje studioalbumet hans, Ropin' the Wind i 1991. Brooks-verjonen vart den sjuande førsteplassen han hadde på countrylista til Billboard seint i 1991. Denne versjonen nådde òg 71. plassen på UK Singles Chart.

Shameless Singel av Billy Joel frå albumet Storm Front
Utgjeve	1989
Sjanger	Rock
Lengd	4:26
Selskap	Columbia
Låtskrivar(ar)	Billy Joel
Produsent	Mick Jones
Billy Joel-kronologi
«And So It Goes» (1990)	Shameless	«All Shook Up» (1992)

Shameless Singel av Garth Brooks frå albumet Ropin' the Wind
B-side	«The Dance»/«Rodeo»/«The Thunder Rolls»
Utgjeve	21. oktober 1991
Sjanger	Country, countryrock
Lengd	4:20
Selskap	Liberty
Låtskrivar(ar)	Billy Joel
Produsent	Allen Reynolds
Garth Brooks-kronologi
«Rodeo» (1991)	Shameless	«What She's Doing Now» (1991)

I 1993 sa Joel på scenen i Boston, «Eg ønskte å skrive ein song, som ein Jimi Hendrix-song. I 60-åra var han eit av idola mine, Jimi Hendrix.»^[1]

Garth Brooks-versjonen

Trisha Yearwood syng harmonivokal på denne versjonen. Garth skreiv om innspeligna i CD-heftet til The Hits:

«Eg vart overtalt til å bli medlem av ein CD-klubb... du veit, 40 000 CDar for ein penny. Med slike klubbar gjev dei deg tilbod om utvalet for den månaden, og om du ikkje skriv attende og kansellerar, så sender dei plata til deg og du må betale. Eg var på turné i seks månader, utan høve til å sjekke post, og då eg kom heim låg det seks CD-plater i postkassen. Storm Front av Billy Joel var ei av dei. Eg hadde ikkje høyrt på Billy Joel sidan slutten av 70-åra, truleg sidan Glass Houses. Eg vart forelska i det albumet og igjen i musikken til Billy Joel. Ein av songane som verkeleg greip meg var «Shameless». Me kontakta folka hans og håpte at me kunne få spele han inn. Eg fekk brev attende om at han visste kven eg var og at han var æra over at eg ville spele inn songen. Det var eit stort kompliment for meg. Håpet mitt er at Billy, som låtskrivar, høyrer denne versjonen og seier «Yeah, man, den fyren har ballar.»^[2]

Garth Brooks spelte «Shameless» i lag med Billy Joel på Joel-konserten Last Play at Shea i 2008, og etter Brooks hadde spelt songen på Central Park-konserten sin i 1997, kom Joel ut på scenen med han og i lag song dei duett på «New York State of Mind». I 2011 framførte Joel og Brooks songen i lag då Brooks vart vald inn i Songwriters Hall of Fame av Joel.

Lister

Billy Joel-versjonen

Liste (1989)	Plassering
US Billboard Hot Adult Contemporary Tracks	40

Garth Brooks-versjonen

Liste (1991)	Plassering
Canada Adult Contemporary Tracks (RPM)[3]	23
Canada Country Tracks (RPM)[4]	1
Nederland[5]	43
UK Singles Chart[6]	71
US Country Songs (Billboard)[7]	1