Shaunae Miller-Uibo

Shaunae Miller-Uibo (fødd 15. april 1994) er ein friidrettsutøvar frå Bahamas som tevlar i sprintløp. Ho vart olympisk meister på 400 meter både i 2016 og 2021, samt verdsmeister 2022. Hennar personbeste på 200 meter og 400 m er på 21,74 og 48,36 sekund, oppnådd i høvesvis 2019 og 2021.

Shaunae Miller-Uibo
Statsborgarskap	Bahamas
Fødd	15. april 1994 (31 år) Nassau på Bahamas
Idrett	friidrett
Tok del i	Sommar-OL 2012, VM i friidrett 2013, VM i friidrett 2015, VM i friidrett innendørs 2014, Samveldeleikane 2014, Stafett-VM i friidrett 2015, VM i friidrett 2017, Samveldeleikane 2018, VM i friidrett 2019, Friidrett under Sommer-OL 2016 – 400 meter kvinner, Friidrett under Sommer-OL 2020 – 200 meter kvinner, Friidrett under Sommer-OL 2020 – 400 meter kvinner, VM i friidrett innendørs 2022 – 400 meter kvinner

Aktiv

19 år gammal kom Miller på fjerdeplass på 200 m ved Moskva-VM. To år seinare vann ho sølvmedaljen på 400 meter under VM i friidrett 2015 i Beijing, einast Allyson Felix sprang fortare. Året etter vann Miller gullmedaljen på same distansen då Sommar-OL 2016 vart avvikla i Rio de Janeiro, sju hundredels sekund føre nemnte Felix. I London-VM 2017 gjorde Miller det best på 200 m, der ho tok bronsen. Under verdsmeisterskapen 2019 gjorde ho eit fabelaktig godt 400-meterløp på tida 48,37, trass i dette måte ho sjå seg slått av marokkanske Salwa Eid Naser.

Miller-Uibo tok sitt mun att under dei olympiske sommarleikane i Tokyo i 2021, der ho forbetra sitt personbeste på 400 meter med ein hundredels sekund til 48,36 sekund og vann ein suveren siger. Eitt år seinare vann ho distansen også i friidretts-VM i Eugene i USA, som i Tokyo framom den neste verdseinaren på 400 meter for kvinner, Marileidy Paulino.

Medaljar og plasseringar i internasjonale meisterskap

• OL 2012 i London: Utslått på 400 m (-)
• VM 2013 i Moskva: Nr 4 på 200 m – 22,74
• VM 2015 i Beijing: Sølvmedalje på 400 m – 49,47, bakom Allyson Felix (49,26)
• OL 2016 i Rio de Janeiro: Gullmedalje på 400 m – 49,44, framom Allyson Felix (49,51)
• VM 2017 i London: Bronsemedalje på 200 m – 22,15. Nr 4 på 400 m – 50,49
• VM 2019 i Doha: Sølvmedalje på 400 m – 48,37, bakom Salwa Eid Naser (48,14)
• OL i 2021 i Tokyo: Gullmedalje på 400 m – 48,36, framom Marileidy Paulino (49,20). Nr 8 på 200 m – 24,00
• VM 2022 i Eugene: Gullmedalje på 400 m – 49,11, framom Marileidy Paulino (49,60).
• VM 2023 i Budapest: Utslått i kvalifiseringa på 400 m (52,65=nr 37)
• OL 2024 i Paris: Utslått i forsøka på 400 m

Kjelder

• Denne artikkelen bygger på «Shaunae Miller-Uibo» frå Wikipedia på engelsk, den 16. juni 2022.

Bakgrunnsstoff

• «Shaunae Miller-Uibo» (på engelsk). olympedia.org.