Sikkim

Sikkim er ein indisk stat i Himalaya. Det er den minst folkerike staten i India og den nest minste i flatemål. Sikkim var ein uavhengig stat styrt av Chogyal-monarkiet fram til 1975, da ei folkeavstemning gav fleirtal for å innlemme Sikkim i India som den 22. staten. Sikkim, som er ein rein innlandsstat, grensar til Nepal i vest, Tibet i nord og aust og Bhutan i søraust. I sør ligg den indiske staten Vest-Bengal. Det offisielle språket i Sikkim er nepali og dei mest utbreidde religionane er hinduisme og vajrayana-buddhisme. Gangtok er hovudstaden og den største byen.

Sikkim
delstat
Symbol
Forkorting: IN-SK
Land	India
Hovudstad	Gangtok
Areal	7 096 km²
Folketal	657 876 (2011)[1]
Grunnlagd	16. mai 1975
Språk	nepali
Sikkim 27.55°N 88.5°E / 27.55; 88.5
Kart som viser Sikkim. Kart som viser Sikkim.
Wikimedia Commons: Sikkim

Sikkim ligg ved foten av Himalaya-fjella, og den vesle staten har derfor mykje variasjon i landskapsformer og klimasonar – frå tropeklima i sør til tundra i nord. Verdas tredje høgste fjell, Kantjendjunga, ligg i Sikkim nær grensa til Nepal. På grunn av ryet for urørt fjellnatur og politisk stabilitet er Sikkim ein av dei mest vitja statane i India.

Yumthangdalen i det nordlege Sikkim.

Foto: Nichalp, desember 2004