Nepali

Nepali er eit indoarisk språk som særleg blir tala i Nepal. Det er offisielt nasjonalspråk i Nepal og eitt av dei 22 offisielle språka i India, der det også er offisielt språk i delstaten Sikkim. Nepali blir også brukt i andre delar av India, i Bhutan og i delar av Burma (Myanmar).

Nepali नेपाली
Klassifisering	Indoeuropeisk  Indoiransk   Indoarisk    Nordleg     Austleg pahari      Nepali
Bruk
Tala i	Nepal  Bhutan  India
Nepalitalande i alt	17 209 255[1]
Skriftsystem	Devanagari
Offisiell status
Offisielt språk i	Nepal  India Sikkim (India)
Språkkodar
ISO 639-1	ne
ISO 639-2	nep
ISO 639-3	nep
Wikipedia på nepali

Historisk blei språket kalla khas (eller khas kura, kaskura), etter khas-folka vest i Nepal. Det er også kjend som gorkhali eller gurkhali, 'språket frå Gorkha', parbatiya ('språket frå fjella', identifisert med parbatiya-folka i Nepal), og lhotshammikha i Bhutan. Namnet «nepali» kom først i bruk då staten Nepal skifta namn frå Gorkha i 1930. Namnet «Nepal» er igjen avleidd av språknamnet newar.

Ein skriv nepali med skriftsystemet devanagari, som det har felles med mellom anna sanskrit og hindi.