Sils im Engadin/Segl

Sils im Engadin/Segl (tysk Sils im Engadin; retoromansk Segl) er ein kommune i distriktet Maloja i den sveitsiske kantonen Graubünden. Kommunen har 752 innbyggjarar (2010) og eit areal på 64 km². Kommunesenteret ligg 1803 meter over havet, ved austenden av innsjøen Silsersee i dalføret Ober-Engadin. Til St. Moritz er det om lag ni kilometer i nordvestleg retning.

Sils im Engadin/Segl
Sils og Lake Sils Sils og Lake Sils
Kommunevåpenet til Sils im Engadin/Segl
Plassering
Styresmakter
Land	Sveits
Kanton	Graubünden
Distrikt	Maloja
Geografi
Flatevidd  - kommune	63,54 km²
Innbyggjarar  - kommune (desember 2010)    - folketettleik	752   11,8 /km²
Koordinatar	46°26′0″N 9°46′0″E
Høgd over havet	1803 moh.
Diverse annan informasjon
Postnummer	7514
Nettstad: www.sils-segl.ch

Retoromansk var det stadeigne talemålet, men sidan 1970 har tysk vorte talemålet til eit fleirtal av befolkninga. Ved folketeljinga 2000 gav 59,4% opp tysk som morsmål. Retoromansk hadde då falle til 12%, medan italiensk held stillinga med sine 15,5%.

Sils og Silsersee

Kommunen består av landsbyen Sils im Engadin/Segl som består av delane Sils-Maria, Sils-Baselgia, Fex og Grevasalvas. Han ligg i øvre Engadindalen, mellom Silsersee og Silvaplanasjøen ved foten av Piz Corvatsch og Piz da la Margna og nedanom Fexdalen.

Skirennaren Dumeng Giovanoli er frå Segl.

Kjelder

• Denne artikkelen bygger på «Sils im Engadin/Segl» frå Wikipedia på tysk, den 1. februar 2012 og «Sils im Engadin/Segl» frå Wikipedia på engelsk, den 30. mars 2012.

Bakgrunnsstoff

• www.sils.ch - Offisiell turistside
• www.sils-segl.ch - Offisiell nettstad
• Sils im Engadin/Segl på tysk, fransk og italiensk i det nettbaserte Historisches Lexikon der Schweiz/Dictionnaire historique de la Suisse/Dizionario storico della Svizzera.