Siouxsie Sioux

Siouxsie Sioux, uttalt «Susy Su» (fødd Susan Janet Ballion, 27. mai 1957), er ein engelsk songar og låtskrivar. Ho er mest kjend som frontkvinne i det kritikarroste bandet Siouxsie and the Banshees (1976–1996) og for utbrytargruppa The Creatures (1981–2005). The Banshees produserte elleve studioalbum og fleire hitsinglar, som «Hong Kong Garden», «Happy House», «Peek-a-Boo» og «Kiss Them for Me». Med The Creatures spelte Siouxsie inn fire studioalbum og hitsingelen «Right Now».

Siouxsie Sioux
Siouxsie i 1980
Fødd	27. mai 1957 (68 år)
Fødestad	Southwark, Chislehurst
Fødenamn	Susan Janet Ballion
Alias	Siouxsie Sioux
Opphav	Storbritannia
Aktiv	1976 til i dag
Sjanger	Punkrock, post-punk, New Wave, gothic rock, alternativ rock
Instrument	Vokal, gitar, piano, bass, perkusjon
Stemmetype	alt
Tilknytte artistar	Siouxsie and the Banshees, The Creatures
Plateselskap	Polydor, Geffen, Sioux, W14
Verka som	Musikar, låtskrivar, synging, produsent
Prisar	MOJO Awards

Ho har òg sunge i lag med artistar som Morrissey^[1] og John Cale.^[2] På midten av 2000-talet starta ho ein solokarriere og gav ut Mantaray i 2007.

Siouxsie vert rekna som «ein av dei mest innverknadsrike britiske songarane i rockehistoria».^[3] Songane hennar har vorte spelt av Jeff Buckley,^[4] Tricky,^[5] Massive Attack,^[6] og LCD Soundsystem.^[7] Platene hennar har òg blitt hylla av mange andre artistar som PJ Harvey^[8] og TV on the Radio.^[9]

I 2011 fekk ho prisen Outstanding Contribution To Music ved Q Awards.^[10]