Slaget ved Marsaglia

Slaget ved Marsaglia var eit slag i niårskrigen, utkjempa i Italia den 4. oktober 1693, mellom den franske armeen til marskalk Nicolas Catinat og den allierte armeen til hertug Victor Amadeus II av Savoie.

Slaget ved Marsaglia
Del av niårskrigen
[[Fil:|300px]]
Dato 4. oktober 1693 Stad Orbassano, nær Torino i dagens Italia Resultat Fransk siger
Partar
Frankrike[1]	Hertugdømet Savoie  Spania
Kommandantar
Nicolas Catinat	Victor Amadeus II av Savoie
Styrkar
35 000	30 000
Tap
1 800 døde eller skadde	10 000 døde, skadde eller tekne til fange

Niårskrigen

Bantry Bay Walcourt Fleurus Beachy Head Staffarda Mons Cuneo Leuze 1. Namur Barfleur Cherbourg La Hogue Steenkirk Lagos Landen Marsaglia Charleroi Brest Torroella 2. Namur Brussel Barcelona

Catinat rykte fram frå Fenestrelle og Susa for å støtte Pinerolo, som var forsvart av greven av Tessé, og som hertugen av Savoie hadde kringsett. Catinat sette opp ei stilling i formel slagorden nord for landsbyen Marsaglia, nær Orbassano.

Her, den 4. oktober, gjekk hertugen av Savoie til åtak mot han med heile armeen sin, front mot front. Men den langt større effektiviteten franskmennene og den dyktige leiinga til Catinat, gav den nye marskalken ein siger som kunne måle seg med Neerwinden.

Piemontesarane og deira allierte tapte kring 10 000 mann som anten vart drepne, skadde eller tekne til fange, medan Catinat berre mista 1800.

Marsaglia er ein av dei første gongane, om ikkje den første, ein nytta eit bajonettåtak av ei lang infanterilinje. Hussarar var her med i slaget for første gong i Vest-Europa. Eit regiment av desse hadde vorte sett saman i 1692 frå soldatar som hadde desertert frå austerriksk teneste.