Slangeberaren

Slangeberaren (frå latin Ophiuchus) er eit stjernebilde rundt ekvator på himmelkvelvinga. Slangeberaren var eit av dei 48 stjernebileta astronomen Klaudios Ptolemaios oppførte på 100-talet, og er i dag eit av dei 88 moderne stjernebileta.

Slangeberaren
Slangeberaren
Latinsk namn	Ophiuchus
Forkorting	Oph
Genitivsform	Ophiuchi
Symbologi	Asklepios, guden for legekunst
Rektasensjon	17 h
Deklinasjon	0°
Areal	948 kvadratgrader nr. 11 av stjernebilda
Stjerner sterkare enn mag. 3	5
Sterkaste stjerne	Ras Alhague (α Oph) (2,1. mag.)
Meteorsvermar	Ophiuchidane Nordlege mai-ophiuchidane Sørlege mai-ophiuchidane Theta-ophiuchidane
Tilgrensande stjernebilde	Herkules Slangen Vekta Skorpionen Skyttaren Slangen Ørna
Synleg mellom breiddegradane +80° og −80°

Slangeberaren ligg mellom Ørna, Slangen og Herkules, nordvest for sentrum av Mjølkevegen. Den sørlege delen ligg mellom Skorpionen i vest og Skyttaren i aust. På den nordlege halvkula er det best synleg om sommaren.

Slangeberaren slik det er for det nakne auga.^[1]

Barnardstjerna er ein av dei nærmaste stjernene til solsystemet (dei einaste som ligg nærmare er Alfa Centauri og Proxima Centauri) og ligg i Slangeberaren. Ho ligg til venstre for β og like nord for ei V-forma gruppe av stjerner.