Slavonski Brod

Slavonski Brod er ein tettstad og ein bykommune i Kroatia og fylkeshovudstad i fylket Brod-Posavina.^[2][3]

Slavonski Brod
Marsonia Brod na Savi
by
Sentralt torg i Slavonski Brod
Flagg Våpenskjold
Land	Kroatia
Fylke	Brod-Posavina
Høgd	96 moh.
Koordinatar	45°10′N 18°01′E
Areal	50,27 km²
Folketal	49 891  (2021[1])
Slavonski Brod 45.155277777778°N 18.014444444444°E / 45.155277777778; 18.014444444444
Kommunen Slavonski Brod innanfor Brod-Posavina fylke Kommunen Slavonski Brod innanfor Brod-Posavina fylke
Wikimedia Commons: Slavonski Brod
Nettstad: www.sbonline.net

Slavonski Brod er den sjette største byen i Kroatia med eit folketal i sjølve byen på 45 005 (2021). Byen vart kalla Marsonia under Romarriket og Brod na Savi i 1244–1934. Byen ligg i området Slavonia. Han har òg ei hamn ved elva Sava, og ligg 197 km søraust for Zagreb. Ordet 'Brod' er kroatisk for skip.

Byen Brod (Bosanski Brod) i Bosnia-Hercegovina ligg på andre sida av Sava.

Geografi

Byen utvikla seg ved det strategisk viktige kryssingspunktet over elva Sava mot Bosanski Brod i Bosnia-Hercegovina. I dag går motorvegen Zagreb–Lipovac–Beograd (E70, A3) og jarnbanen Zagreb–Vinkovci–Beograd gjennom byen. Ein ny og moderne motorveg er under konstruksjon, den internasjonale gjennomfartsåra 5C, som vil knyte Nord-Europa og Ungarn med Kroatia (Slavonia), Bosnia-Hercegovina og igjen Kroatia (Dalmatia). Denne motorvegen vil gå om lag 16 km frå sentrum av byen. Når denne vegen står ferdig vil Slavonski Brod verte eit av dei store knutepunkta for motorvegane som går nord-sør og aust-vest.

Folketal

Busetnadene i kommunen ved dei siste folketeljingane var:

	Folketal 2001[4]	Folketal 2011[5]	Folketal 2021[1]
Slavonski Brod	58 642	53 531	45 005
Podvinje	3 749	3 575	3 057
Brodski Varoš	2 221	2 035	1 829
Kommunen Slavonski Brod	64 612	59 141	49 891