Speak to Me

«Speak to Me» er opningssporet på albumet The Dark Side of the Moon av den britiske rockegruppa Pink Floyd frå 1973. Sporet fungerer som ein slags ouverture, og Nick Mason står som «låtskrivar».^[1][2] Waters hevda derimot seinare at dette var ei «gåve» til Mason, noko han angra på etter han forlet bandet.^[3][4][5]

Speak to Me Song av Pink Floyd frå albumet The Dark Side of the Moon
Språk	engelsk
Utgjeve	17. mars 1973
Innspelt	Juni 1972 - januar 1973
Sjanger	Musique concrète
Lengd	1:30
Komponist	Nick Mason
Tekstforfattar	Nick Mason
Låtskrivar(ar)	Nick Mason

Komposisjon

Sporet er utan tekst eller melodi, men det inneheld ein del konversasjon her og der, i tillegg til eit kort klipp av Clare Torry sin vokal frå «The Great Gig in the Sky» og ein del lydeffektar. Sporet byggjer seg opp mot den første verkelege songen på albumet «Breathe», og dei heng i saman. På enkelte utgåver av albumet er begge songane i lag som første spor, og derfor vert dei ofte spelte i lag på radio.^[6]

Lydeffektar

• Hjarteslag — dette kan ein og høyre på slutte av albumet på songen «Eclipse»^[2]
• Tikkande klokker — viser til songen «Time»
• Manisk latter — viser til songen «Brain Damage»^[2]
• Kasseapparat — viser til songen «Money»
• Helikopterlyd — viser til songen «On the Run»
• Skrik — viser til songen «The Great Gig in the Sky»^[2]

Stemmer

• «I've been mad for fucking years, absolutely years. I've been over the edge for yonks, been working with bands so long. I think 'Crikey'.»
• «I've always been mad, I know I've been mad, like the most of us are. Very hard to explain why you're mad, even if you're not mad.»

Medverkande

• Nick Mason – perkusjon, lydbandeffektar; lydbandsløyfer
• Roger Waters – lydbandeffektar; lydbandsløyfer
• Richard Wright – baklengs piano