Spot the Pigeon

Spot the Pigeon er ein EP av det britiske progressive rockebandet Genesis som kom ut i 1977. Dei tre songane var på han var songar som ikkje kom med på Wind & Wuthering, fordi bandet følte dei ikkje passa inn på albumet. EP-en nådde 14. plass på singellista i Storbritannia.

Spot the Pigeon EP av Genesis
Språk	engelsk
Utgjeve	20. mai 1977[1]
Innspelt	September – oktober 1976
Sjanger	Poprock, progressiv rock
Lengd	13:22
Selskap	Charisma/Virgin (UK) Atlantic (CAN)
Produsent	David Hentschel, Genesis
Kritikk
Allmusic [2]
Genesis-kronologi
Wind & Wuthering (1976)[3]	Spot the Pigeon	Seconds Out (1977)

Dette var den siste studioutgjevinga til Genesis med gitarist Steve Hackett, før han slutta i bandet i 1977. Han var misnøgd med at bandet ikkje nytta fleire av songane hans på Wind & Wuthering, mellom anna vart «Inside and Out» gjeven ut på denne EP-en og ikkje på albumet.

Spot the Pigeon vart gjeven ut på CD, men har sidan vorte sletta. To av songane, «Pigeons» og «Inside And Out» finst på plateboksen Genesis Archive 2: 1976-1992, medan «Match Of The Day» ikkje vart gjeven ut på ny før 2007, då han kom med i plateboksen Genesis 1976-1982 i USA.

Det vart laga ein video for «Match of the Day» der Phil Collins syng på tribunane til Queens Park Rangers F.C.

Innhald

Alle songar av Tony Banks/Phil Collins/Mike Rutherford, utanom der andre er nemnde.

Side ein

1. «Match of the Day» – 3:24
2. «Pigeons» – 3:12

Side to

1. «Inside and Out» (Banks/Collins/Steve Hackett/Rutherford) – 6:45

Medverkande

• Tony Banks – klaverinstrument
• Phil Collins – trommer, perkusjon, vokal
• Steve Hackett – gitar
• Mike Rutherford – gitar, bass