Stefan Airapetjan

Stefan Airapetjan (armensk: Ստեֆան Հայրապետյան, fødd 24. desember 1997 i Viljandi i Estland) er ein estisk songar med armensk avstamming. Han er kjend under scenenamet Stefan og representerte Estland i Eurovision Song Contest 2022 med songen «Hope».

Stefan Airapetjan
Fødd	24. desember 1997 (27 år)
Fødestad	Viljandi
Alias	Stefan
Opphav	Estland
Aktiv	2017–
Verka som	songar-låtskrivar

Bakgrunn

Airapetjan vart fødd i Viljandi av armenske foreldre.^[1] Han har sunge sidan barndommen, teke songtimar og vunne ei rekkje lokale songtevlingar. I 2010 nådde han finalen i Laulukarussell, ei songtevling for barn, i regi av Eesti Televisioon.^[1][2]

Airapetjan har delteke i Eesti Laul, den estiske uttakinga til Eurovision Song Contest, fire gongar. Hans fyrste deltaking var i 2018, som del av duoen Vaje og songen «Laura (Walk with Me)». Dei enda på tredjeplass. Hans fyrste solodeltaking var i 2019 med songen «Without You», som også enda på tredjeplass. Han deltok igjen i 2020 med songen «By My Side», som endte på sjuandeplass i finalen.

Airapetjan vann Eesti Laul på fjerde forsøk i 2022 med songen «Hope». Gjennom sigeren fekk han representere Estland i Eurovision Song Contest 2022.^[3] I Eurovision Song Contest i Torino deltok han i den andre semifinalen torsdag 12. mai. Der enda han på ein femteplass og kvalifiserte seg til finalen laurdag 14. mai. I finalen var Airapetjan og songen «Hope» det siste bidraget på scena og enda til slutt på ein 13. plass av 25 bidrag.^[4]

Diskografi

Singlar

Tittel	År	Høgaste listeplassering				Album
		EST [5]	LIT [6]	NED Tip [7]	SVE [8]
«Without You»	2018	—	—	—	—	Ikkje frå album
«Better Days»	2019	—	—	—	—
«We'll Be Fine»		—	—	—	—
«Better Days»		—	—	—	—
«By My Side»		—	—	—	—
«Oh My God»	2020	—	—	—	—
«Let Me Know»		—	—	—	—
«Doomino» (med Liis Lemsalu)	2021	—	—	—	—
«Hope»		1	28	20	87
«Miraaž»	2022	2	—	—	—
"—" markerer at songen ikkje nådde lista.