Stjernebiletet Persevs

Persevs (frå latin Perseus) er eit stjernebilde på den nordlege himmelhalvkula. Det var eit av dei 48 stjernebileta oppførte av astronomen Klaudios Ptolemaios på 100-talet og av dei 88 moderne stjernebileta, definert av Den internasjonale astronomiske unionen (IAU). Det ligg nær fleire andre stjernebileta som er oppkalla etter greske legender, inkludert Andromeda i vest og Kassiopeia i nord. Persevs grensar òg til Vêren og Tyren i sør, Kusken i aust, Sjiraffen i nord og Triangelet i vest.

Persevs
Persevs
Latinsk namn	Perseus
Forkorting	Per
Genitivsform	Persei
Symbologi	Frå grekarane
Rektasensjon	3 h
Deklinasjon	45°
Areal	615 kvadratgrader nr. 24 av stjernebilda
Stjerner sterkare enn mag. 3	5
Sterkaste stjerne	α Per (Mirfak) (1,79. mag.)
Meteorsvermar	Perseidane September-perseidane
Tilgrensande stjernebilde	Kassiopeia Andromeda Triangelet Vêren Tyren Kusken Sjiraffen
Synleg mellom breiddegradane +90° og −35°

Det galaktiske planet i Mjølkevegen passerer gjennom Persevs, men er i stor grad dekt av ei molekylsky. Den mest lyssterke stjerna i biletet er den gulkvite superkjempa Alfa Persei (òg kalla Mirfak), som skin med ein storleiksklasse 1,79. Denne og mange av stjernene rundt er medlemar av ein open hop kalla Alfa Persei-hopen. Den mest kjende stjerna i biletet er Algol (Beta Persei), som er knytt til illevarslande segner på grunn av variabiliteten, som ein kan sjå med det nakne auga. Stjerna er ikkje i seg sjølv variabel, men ein del av ei formørkande dobbeltstjerne. Andre kjende stjernesystem i Persevs er mellom andre X Persei, ei dobbeltstjerne med ei nøytronstjerne, og GK Persei, ein nova som nådde storleiksklasse 0,2 i 1901. Dobbelhopen, som består av to opne hopar ganske nær kvarandre på himmelene, var kjende av kinesarane i oldtida. Stjernebiletet har gjeve namn til Persevshopen (Abell 426), ein massive galaksehop som ligg 200 millionar lysår frå jorda.

Ein meteorsverm, Perseidane, stråler ut frå biletet kvar sommar.

Bakgrunnsstoff

Commons har multimedium som gjeld: Stjernebiletet Persevs

• The Deep Photographic Guide to the Constellation: Persevs
• Klikkbart kart over Persevs Arkivert 2014-03-26 ved Wayback Machine.