Sulefuglar

Skildring

Sulefuglar er nokså store fuglar, mellom 45 og 114 centimeter. Dvergskarv, Microcarbo pygmaeus, er den minste arten i ordenen med ca. 45-55 centimeter i kroppslengd, praktfregattfugl, Fregata magnificens, er den største. Mange artar er svarte eller mørkt brune i det meste av fjørdrakta, nokre har i tillegg mykje kvite parti i drakta, særleg på undersida. Til dømes vaksne havsuler med fjørdrakt dominert av kvitt. Felles anatomiske trekk inkluderer mangel på ytre naseborer, og kloa på tredje tå har såkalla fjørkam (pectinate) som har nytte ved fjørstell og fjerning av parasittar.^[1] Pectinat klo deler dei med hegrar og natteramnar.^[2]

Desse fuglane med levesett i og ved vatn har diett hovudsakleg basert på fisk, men nyttar ulike beitemetodar. Suler vil stupdukke, skarvar og slangehalsar dukkar og sym under vatn. Fregattfuglar plukkar flygefisk og blekksprutar frå havoverflata og kan i tillegg vere parasittiske på måsar og terner. Fregattfuglar vil aldri sette seg ned på havoverflata. Kvitvengskarv skil seg ut i denne ordenen ved å beite på botndyr.

Slangehalsar lever i ferskvatn eller i grunt havvatn eller brakkvatn. Ein kan finne skarvar i elvar og innsjøar over heile det søramerikanske kontinentet, og opptil 5000 moh., i Afrika sør for Sahara og langt inn i på dei andre kontinenta. Suler og fregattfuglar er særs maritime, suler er spesielt tilpassa eit liv til havs og kjem på land for å hekke. Fregattfuglar lever tvers over Stillehavet og Indiahavet. Habitata er dominert av tropisk klima, men skarvar har utbreiing inn på nordlegaste Antarktis, representert av antarktisskarv, Phalacrocorax bransfieldensis, som lever på Antarktishalvøya. Havsuler kan treffast så langt nord som nord for kysten av Finnmark.

Dei fleste artar av sulefuglar er kolonihekkarar.^[3]

Remove ads

Taksonomi og artar

Ordenen sulefuglar vart anerkjent etter at fleire fylogenetiske studiar av mitokondrielt DNA synte at familiar som tradisjonelt var samla i ordenen pelikan- og hegrefuglar, Pelecaniformes, og gjorde gruppa parafyletisk med omsyn på ordenen Ciconiiformes.

Etter at denne gruppa vart splitta ut frå ordenen Pelecaniformes, har ho fått namnet sulefuglar på norsk.^[4]

Artslista

Sulefuglar samlar 58 artar, her lista i rekkjefølgje etter eBird/Clements Checklist v2019^[5] med norske namn etter Norske navn på verdens fugler:^[6]

Fregattfuglar

Slekt Fregata

Småfregattfugl, Fregata ariel, Lesser Frigatebird, Gray, 1845, (LC)
Ascensionfregattfugl, Fregata aquila, Ascension Frigatebird, Linné, 1758, (VU)
Praktfregattfugl, Fregata magnificens, Magnificent Frigatebird, Mathews, 1914, (LC)
Christmasfregattfugl, Fregata andrewsi, Christmas Island Frigatebird, Mathews, 1914, (CR)
Storfregattfugl, Fregata minor, Great Frigatebird, Gmelin, 1789, (LC)

Suler

Slekt Sula

Maskesule, Sula dactylatra, Masked Booby, Lesson, 1831, (LC)
Nazcasule, Sula granti, Nazca Booby, Rothschild, 1902, (LC)
Blåfotsule, Sula nebouxii, Blue-footed Booby, Milne-Edwards, 1882, (LC)
Humboldtsule, Sula variegata, Peruvian Booby, Tschudi, 1843, (LC)
Brunsule, Sula leucogaster, Brown Booby, Boddaert, 1783, (LC)
Raudfotsule, Sula sula, Red-footed Booby, Linné, 1766, (LC)

Slekt Papasula

Christmassule, Papasula abbotti, Abbott's Booby, Ridgway, 1893, (EN)

Slekt Morus

Havsule, Morus bassanus, Northern Gannet, Linné, 1758, (LC)
Kappsule, Morus capensis, Cape Gannet, Lichtenstein, 1823, (EN)
Australsule, Morus serrator, Australasian Gannet, Gray, 1843, (LC)

Slangehalsar

Slekt Anhinga

Amerikaslangehals, Anhinga anhinga, Anhinga, Linné, 1766, (LC)
Afrikaslangehals, Anhinga rufa, African Darter, Daudin, 1802, (LC)
Skjeggslangehals, Anhinga melanogaster, Oriental Darter, Pennant, 1769, (NT)
Australslangehals, Anhinga novaehollandiae, Australasian Darter, Gould, 1847, (LC)

Skarvar

Skarvefamilien samlar 39 artar i to slekter.

Remove ads

Suliformes
Havsule Morus bassanus
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Underklasse:	Neognathae
Overorden:	Aequornithes
Orden:	Sulefuglar Suliformes
Infraorden:	Suliformes Tetanurae Sharpe, 1849

Skildring

Taksonomi og artar

Artslista

Kjelder

Bakgrunnsstoff

Wikiwand - on