Sunette Viljoen

Sunette Stella Viljoen (fødd 6. oktober 1983) er ein sørafrikansk idrettsutøvar som har vore aktiv i både friidrett og cricket. Ho vann sølvmedaljen i spjutkasting ved Sommar-OL 2016, tidlegare fekk ho VM-bronse i same øvinga i så vel 2011 som i 2015.

Sunette Viljoen
Statsborgarskap	Sør-Afrika
Fødd	6. oktober 1983 (41 år) Johannesburg
Idrett	friidrett, cricket
Tok del i	Sommar-OL 2012, Sommar-OL 2008, Sommar-OL 2004, Friidrett under Sommar-OL 2016, Samveldeleikane 2018, Samveldeleikane 2010, Samveldeleikane 2006, Samveldeleikane 2014

Aktiv

Friidrett

I VM-finalen 2011 i Daegu forbetra Viljoen den sørafrikanske spjutrekorden med to meter til 68,38 m og sikra seg bronsemedaljen i tevlinga. Den 9. juni 2012 presterte ho sitt livs lengste kast ved eit stemne i New York, spjutet landa på 69,35 meter. Under sommarleikane i London to månader seinare kasta ho 64,53 m, 40 cm for kort til å ta bronsen. Derimot vann ho ein ny bronse ved Beijing-VM i 2015, etter eit bestekast på 65,79 m. Då Sommar-OL 2016 fann stad i Rio de Janeiro kneip Viljoen med sine 64,92 meter sølvmedaljen framom tre andre utøvarar som alle kasta 64,60 m og lengre.

Medaljar og plasseringar i internasjonale meisterskap

• VM 2003 i Paris: Utslått i kvalifiseringa (56,78 m=nr 16)
• OL 2004 i Aten: Utslått i kvalifiseringa (54,45m=nr 35)
• OL 2008 i Beijing: Utslått i kvalifiseringa (55,58 m=nr 33)
• VM 2009 i Berlin: Utslått i kvalifiseringa (56,83=nr 18)
• VM 2011 i Daegu: Bronsemedalje – 68,38 m
• OL 2012 i London: Nr 4 – 64,53 m
• VM 2013 i Moskva: Nr 6 – 63,58 m
• VM 2015 i Beijing: Bronsemedalje – 65,79 m
• OL 2016 i Rio de Janeiro: Sølvmedalje – 64,92 m, bakom Sara Kolak (66,18 m)
• VM 2019 i Doha: Utslått i kvalifiseringa (60,10 m=nr 17)

Cricket

Viljoen var 2000-02 sørafrikansk landslagsspelar i cricket. Ho deltok då i verdsmeisterskapen 2000 i New Zealand.

Kjelder

• Denne artikkelen bygger på «Sunette Viljoen» frå Wikipedia på engelsk, den 4. oktober 2019.