Susanthika Jayasinghe

Susanthika Jayasinghe (fødd 17. desember 1975) er ein srilankisk tidlegare friidrettsutøvar som utmerkte seg på 200 meter. Ho vart tildelt VM-sølv 1997, OL-sølv 2000 og VM-bronsen 2007 på distansen.

Susanthika Jayasinghe
Statsborgarskap	Sri Lanka
Fødd	17. desember 1975 (49 år) Sri Lanka
Idrett	friidrett
Tok del i	Sommar-OL 2008, Sommar-OL 2000, Asialekene 1994, Asialeikene 2002, Asialeikene 2006, Sommar-OL 1996, Samveldeleikane 2002
Utmerkingar	Newsfirst Platinum Awards, Deshabandu

Aktiv

Jayasinghe kneip sølvmedaljen på 200 meter under verdsmeisterskapen 1997, med personbeste-tida 22,39 var ho ein hundredels sekund framom Merlene Ottey frå Jamaica.

Eit par veker før Sommar-OL 2000 presterte Jayasiinghe livsbeste på 100 meter i eit stemne i Yokohama. Tida 11,04 sekund viste at ho var i god form framom det store målet, den olympiske 200-meteren. I OL-finalen i Sydney sprang ho sitt livs beste løp og vart klokka inn på 22,28 sekund. Med 21,84 sekund fekk Marion Jones frå USA beste tid, Pauline Davis-Thompson frå Bahamas fekk sluttida 22,27 og kom hårfint føre Jayasinghe. Etter at Jones i 2007 vart frådømt gullmedaljen, flytta IOK Jayasinghe opp på sølvplass.

Under Friidretts-VM 2007 i Osaka kneip Jayasinghe bronsemedaljen på 200 meter med ein margin på to hundredels sekund til Torri Edwards frå USA. Ho kom heile 0,82 sekund etter den suverene vinnaren, Allyson Felix, og nesten tre tidels sekund bakom sølvmedaljør Veronica Campbell.

Medaljar og plasseringar i internasjonale meisterskap

• VM 1995 i Göteborg: Utslått i kvartfinalane på 100 m (11,76=nr 31)
• OL 1996 i Atlanta: Braut kvartfinalane på 100 m
• VM 1997 i Aten: Sølvmedalje på 200 m – 22,39, bakom Zjanna Pintusevitsj (22,32)
• VM 1999 i Sevilla: Starta ikkje i kvartfinalane på 100 m
• OL 2000 i Sydney: Sølvmedalje på 200 m – 22,28. Nr 10 på 100 m – 11,33
• VM 2001 i Edmonton: diskvalifisert i forsøket på 200 m
• VM 2003 i Paris: Braut kvartfinaleløpet på 100 m
• VM 2007 i Osaka: Bronsemedalje på 200 m – 22,63. Utslått i kvartfinalen på 100 m
• OL 2008 i Beijing: Utslått i semifinalane på 200 m (22,98=nr 14)

Kjelder

• Denne artikkelen bygger på «Susanthika Jayasinghe» frå Wikipedia på engelsk, den 2. august 2021.

• «Susanthika Jayasinghe» (på engelsk). Olympedia. Henta 9. april 2023.