Svarstad

Svarstad ein tettstad i Larvik kommune i Vestfold. Tettstaden ligg ved Numedalslågen, om lag 46 kilometer nord for kommunesenteret Larvik og 11 kilometer sør for Hvittingfoss i Kongsberg kommune. Svarstad har 677 innbyggjarar per 1. januar 2024 og var administrasjonssenteret i den tidlegare kommunen Lardal.

Svarstad
tettstad
Land	Noreg
Fylke	Vestfold
Kommune	Larvik
Areal	0,68 km²
Folketal	677  (2024)
Folketettleik	996 / km²
Postnummer	3275 SVARSTAD
Svarstad 59.4°N 9.9666666666667°E / 59.4; 9.9666666666667
Wikimedia Commons: Svarstad

Den viktigaste næringsverksemda i Svarstad er trevareindustri, mellom anna sagbruk og ferdighusproduksjon. Tettstaden har ein daglegvarebutikk. Utanfor tettstaden ligg Svarstad skisenter, med fem større skibakkar og to mindre retta mot ungar. Sentralt i tettstaden ligg skogfeltet Holemyra som blir brukt til turområde. På Svarstad står Svarstad kyrkje, ei langkyrkje av grovt tømmer frå 1657.

Frå Bommestadkrysset ved europaveg 18 går fylkesveg 40 til og gjennom tettstaden, og vidare til Kongsberg og Geilo.

Kjelder

• Sten Lundbo (1.1.2018). «Svarstad – tettsted». Store norske leksikon. Henta 3. januar 2018.

Bakgrunnsstoff

• Eldre fotografi frå Svarstad på nettstaden til Nasjonalbiblioteket