Taste of India

«Taste of India» er ein song av det amerikanske hardrockbandet Aerosmith.^[1] Han vart gitt ut i 1997 på det 12. studioalbumet deira, Nine Lives, og som ein promoteringssingel for radio, der han nådde tredjeplassen på Mainstream Rock Tracks-lista i 1998. Songen vart skriven av vokalisten Steven Tyler, gitaristen Joe Perry og låtskrivaren Glen Ballard. Songen, som varer i underkant av seks minutt, inneheld element av indisk musikk heile vegen, saman med drivande gitarriff og ein tung backbeat, og dessutan ein sarangi-intro av Ramesh Mishra, ein elev av Ravi Shankar.^[2][3] Joe Perry og Brad Whitford speler begge Stratocasterar på denne songen.

Taste of India Singel av Aerosmith frå albumet Nine Lives
Utgjeve	18. mars 1997
Innspelt	1996
Sjanger	Ragarock
Lengd	5:53
Selskap	Columbia
Låtskrivar(ar)	Steven Tyler Joe Perry Glen Ballard
Produsent	Kevin Shirley
Aerosmith-kronologi
«Full Circle» (1997)	Taste of India	«I Don't Want to Miss a Thing» (1998)

Bandet uttalte at dei fekk ideen til denne songen ved å gå forbi ein restaurant ved namn «Taste of India».

Konsertversjonar

Denne songen hadde ikkje vorte spelt live sidan Nine Lives-turneen før konserten i Bangalore 2. juni 2007. Det var opningslåten på konserten, og vart spelt med det indiske flagget som bakgrunn.