The Busker

The Busker er eit maltesisk indiepopband som blei skipa i 2012. Bandet består av David «Dav.Jr» Grech, Jean Paul Borg og Sean Meachen. I februar 2023 vann gruppa den maltesiske songtevlinga Malta Eurovision Song Contest 2023 med låten «Dance (Our Own Party)». Som vinnarar representerte dei Malta i Eurovision Song Contest 2023.

The Busker
Opphav	Malta
Aktiv	2012–
Sjanger	folkrock, poprock, indiepop

Bakgrunn

The Busker blei skipa i oktober 2012 som ein duo beståande av vokalist og gitarist Dario Genovese og perkusjonist Jean Paul Borg.^[1] To år etter kom bassist og keyboardist David Grech og saksofonist Sean Meachen med i bandet. Dei er inspirert av band frå 1960-åra, som The Beatles og The Beach Boys. Gruppa byrja å få merksemd på Malta, då dei posta coverversjonar og originalmusikk på YouTube.^[1] Debutalbumet Telegram blei sloppe i 2017, etterfølgt av Ladies and Gentlemen året etter. Genovese forlot gruppa i 2021, og sidan har The Busker bestått som ein trio.^[2][3]

I november 2022 blei The Busker stadfesta som ein av 40 deltakarar i Malta Eurovision Song Contest 2023, den maltesiske uttakinga til Eurovision Song Contest.^[4] Bandet deltok med songen «Dance (Our Own Party)» og kvalifiserte seg til finalen laurdag 11. februar 2023.^[5] I finalen fekk dei flest poeng frå juryane og sjåarane, og fekk dimed retten til å representere Malta i Eurovision Song Contest 2023 i Liverpool.^[6] Bandet deltok i den fyrste semifinalen tysdag 9 mai 2023. Der enda dei enda på sisteplass og kvalifiserte seg ikkje til finalen.^[7]

Medlemmar

Noverande

• David «Dav.Jr» Grech – vokal, bass, keyboard
• Jean Paul Borg – trommar
• Sean Meachen – saksofon

Tidlegare

• Dario Genovese – vokal, gitar

Diskografi

Studioalbum

• 2017 – Telegram
• 2018 – Ladies and Gentlemen

EP-ar

• 2021 – X