The Roop

The Roop er eit litauisk poprock-band frå Vilnius. Gruppa vart skipa i 2014 og består av songaren og keyboardspelaren Vaidotas Valiukevičius, trommeslagaren Robertas Baranauskas og gitaristen Mantas Banišauskas. Gruppa skulle ha representert Litauen i Eurovision Song Contest 2020 i Rotterdam i Nederland med låten «On Fire», men tevlinga vart avlyst på grunn av koronaviruspandemien i Europa vinteren 2020.^[1]

The Roop
Aktiv	2014–
Sjanger	Poprock, softrock, dance-rock, elektronika, indie
Plateselskap	Musica Publica
Medlemmer	Vaidotas Valiukevičius Robertas Baranauskas Mantas Banišauskas

Bakgrunn

The Roop vart skipa i november 2014 i Vilnius.^[2] Dei tre medlemmane hadde alle erfaring frå musikkbransjen tidlegare, og vokalisten Vaidotas Valiukevičius hadde òg erfaring som skodespelar og programleiar. Debutplata To Whom It May Concern vart produsert av plateselskapet DK Records og gjeve ut i 2015.^[3][4]

I 2018 deltok The Roop i musikktevlinga Eurovizijos med låten «Yes, I Do». Vinnaren av tevlinga fekk representera Litauen i Eurovision Song Contest, og gruppa enda på tredjeplass.^[5]

I 2020 deltok gruppa på nytt i tevlinga, denne gongen med låten «On Fire». I finalen 15. februar 2020 vann gruppa både jury- og telefonrøystinga og vann dermed konkurransen samanlagt.^[6] Dei skulle dermed ha representert Litauen i Eurovision Song Contest 2020 i Rotterdam. Litauen var trekt til å deltake i semifinale 1 tysdag 14. mai. På grunn av koronavirusutbrotet i Europa vinteren 2020 såg EBU seg nøydd til å avlysa tevlinga for å hindra spreiing av koronaviruset SARS-CoV-2 og den medfølgjande sjukdomen COVID-19.^[7]

Medlemmar

• Vaidotas Valiukevičius – vokal og keyboard^[8]
• Robertas Baranauskas – trommar
• Mantas Banišauskas – gitar

Diskografi

Album

• 2015: To Whom It May Concern
• 2017: Ghosts

Singlar

• 2016: «Hello»
• 2017: «Dream On»
• 2017: «Keista draugystė»
• 2018: «Yes, I Do»
• 2019: «Silly Me»
• 2019: «Dance with Your Hands»
• 2020: «On Fire»