Thick as a Brick 2

Thick as a Brick 2, forkorta TAAB 2 og med undertittelen Whatever Happened to Gerald Bostock?, er eit album av frontmannen i Jethro Tull Ian Anderson, gjeve ut i 2012 som ein oppfølgjar til Thick as a Brick, det kritikarroste konseptalbumet til Jethro Tull frå 1972. Albumet nådde 55. plass på Billboard-lista i USA.

Thick as a Brick 2 Studioalbum av Ian Anderson
Språk	engelsk
Utgjeve	2. april 2012[1]
Innspelt	Mars 2011 til november 2011
Sjanger	Progressiv rock
Lengd	53:45
Selskap	Chrysalis/EMI Records 50999 6 38726 2 0 F2-38726
Produsent	Ian Anderson
Ian Anderson-kronologi
Ian Anderson Plays the Orchestral Jethro Tull (2005)	Thick as a Brick 2	Homo Erraticus (2014)

Meldingar
Karakter
Kjelde	Karakter
AllMusic	[2]
PopMatters	5/10[1]
Sputnik Music	4.0/5[3]

I følgje Anderson fokuserer TAAB 2 på Gerald Bostock, ein fiktiv gut som vart omtalt som tekstforfattar på det originale albumet, førti år seinare. «Eg lurar på kvar den åtte år gamle Gerald Bostock gjer på i dag. Finst framleis den oppdikta avisa?»^[4] Albumet presenterer fem forskjellige, hypotetiske livshistorier for Gerald Bostock, der han har vorte ein grådig finansmann, ein homoseksuell heimlaus mann, ein soldat i Afghanistan, ein skinnheilag evangelist, og ein heilt vanleg mann med barn og kone som driv ein butikk på hjørnet. Mot slutten av albumet ser alle dei fem historiene ut til å gli saman i same slutt i trist einsemd.^[5] I mars 2012, for å følgje opp den oppdikta avisa (The St Cleve Chronicle and Linwell Advertiser) frå plateomslaget til den originale plata, vart det sett opp ei nettavis kalla StCleve: http://www.stcleve.com/.

Mottaking

Albumet nådde 55. plass på den amerikanske albumlista og 13. plass på den tyske lista^[6], 12. plass i Finland^[7], 19. plass i Austerrike^[8], 30. plass i Noreg^[9], 31. plass i Sveits^[10], 74. plass i Canada^[11], at #35 on the UK charts ^[12], 76. plass i Nederland^[13] og 99. plass i Spania^[14].

Innhald

Den originale Thick as a Brick bestod av berre ein einaste lang song, delt inn i to spor, medan TAAB 2 er delt inn i 17 forskjellige songar fordelt på 13 spor (somme merka som medleyar).

Alle spor skrivne av Ian Anderson

Nr.	Tittel	Lengd
1.	«From a Pebble Thrown»	3:05
2.	«Medley: Pebbles Instrumental / Might-Have-Beens»	4:21
3.	«Medley: Upper Sixth Loan Shark / Banker Bets, Banker Wins»	5:41
4.	«Swing It Far»	3:28
5.	«Adrift and Dumbfounded»	4:25
6.	«Old School Song»	3:07
7.	«Wootton Bassett Town»	3:44
8.	«Medley: Power and Spirit / Give Till It Hurts»	3:11
9.	«Medley: Cosy Corner / Shunt and Shuffle»	3:37
10.	«A Change of Horses»	8:04
11.	«Confessional»	3:09
12.	«Kismet in Suburbia»	4:17
13.	«What-ifs, maibes and Might-Have-Beens»	3:36
Total lengd		53:45

DVD

Ein DVD vart òg annonsert med følgjande innhald:

1. 5.1 kringlyd av heile albumet (miksa av Steven Wilson)
2. Dokumentar om innspelinga av albumet (25 min.)
3. Intervju med Ian Anderson om albumet
4. Intervju med Steven Wilson
5. Tekstopplesing (25 min.)
6. Kunst

Medverkande

Musikarar

• Ian Anderson – vokal, fløyte, akustisk gitar
• David Goodier – bassgitar, klokkespel
• Scott Hammond – Trommer, perkusjon
• Florian Opahle – elektrisk gitar
• John O'Hara – Hammondorgel, piano, tangentinstrument
• Pete Judge – trompet, valthorn, tenorhorn, tuba
• Ryan O'Donnell – vokal

Produksjon

• Steven Wilson – miksing
• Mike Downs – lydteknikar
• Peter Mew – mastering