Thomas Röhler

Thomas Röhler (fødd 30. september 1991) er ein tysk friidrettsutøvar frå Jena som i 2016 vart olympisk meister og 2018 europameister i spjutkasting. Han har ein personleg rekord i øvinga på 93,90 meter frå 2017.

Thomas Röhler
Statsborgarskap	Tyskland
Fødd	30. september 1991 (33 år) Jena
Idrett	friidrett
Tok del i	Friidrett under Sommer-OL 2016 – Spydkast menn

Aktiv

Röhler sette personbeste med 80,79 meter i 2012. Han deltok i europameisterskapen der han mislukkast kvalifisere seg til finalen med minst mogleg margin. Derimot vart han tysk meister i spjutkast, den fyrste av seks strake gullmedaljar i den nasjonale meisterskapen. I 2013 forbetra han seg til 83,95 meter i Dessau. Röhler flytta i 2014 den personlege rekorden til 87,95 m i Zürich, samstundes gjekk han til topps samanlagt i DL-serien. Trass i sterke 87,41 m i VM-finalen 2015, måtte han nøye seg med fjerdeplass, 23 centimeter unna bronsemedaljen. På tampen av same sesongen landa spjutet på 89,27 m då han sigra i finske Kuortane.

Sommaren 2016 vann Röhler spjut-tevlinga ved Bislett Games med personbeste 89,30 m, for så å auke til 91,28 meter ved eit stemne i Turku. Høgdepunktet kom då han vann den olympiske gullmedaljen i Rio de Janeiro med eit bestekast på 90,39 meter. 5. mai 2017 i Doha presterte han livsbeste 93,90 meter. I verdsmeisterskapen i London enda han på fjerdeplass, fattige 6 cm bak bronsevinnaren Petr Frydrych. I 2018 sigra han i DL-stemnet i Doha for andre året i rad, då med eit kastpå 91,78 m. Tre månader seinare vart han europameister med sluttresultatet 89,47 meter. 2019-sesongen Röhler som beste 86,99 meter. Etter den tid har han vore plaga av skadar og ikkje makta prestere på eit høgt internasjonalt nivå.

Medaljar og plasseringar i internasjonale meisterskap

• EM 2012 i Helsinki: Utslått i kvalifiseringa (nr 13 -78,89 m)
• VM 2013 i Moskva: Utslått i kvalifiseringa (nr 29 -74,45 m)
• EM 2014 i Zürich: Nr 12 – 70,31 m
• VM 2015 i Beijing: Nr 4 – 87,41 m
• EM 2016 i Amsterdam: Nr 5 – 80,78 m
• OL 2016 i Rio de Janeiro: Gullmedalje 90,30 m, framom Julius Yego (88,24 m)
• VM 2017 i London: Nr 4 – 88,26 m
• EM 2018 i Berlin: Gullmedalje 89,47 m, framom Andreas Hoffmann (87,60 m)
• VM 2019 i Doha: Utslått i kvalifiseringa (Nr 23 -79,23 m)
• EM 2022 i München: Utslått i kvalifiseringa (Nr 22 -71,31 m)

Kjelder

• Denne artikkelen bygger på «Thomas Röhler» frå Wikipedia på tysk, den 15. august 2018.

• «Thomas Röhler» (på engelsk). Olympedia. Henta 7. april 2023.