Tindved

Tindved (Hippophaë rhamnoides) er ein busk i sylvbuskfamilien. Han er 0,5 til 3 meter høg, med vedtornar og smalt avlange blad som er sylvglinsande på undersida. Han har småe, gulgrøne blomar og ertestore, oransjegule frukter, som er særs rike på C-vitamin. Kvistene er seige og sterke og vart nytta til rivetindar^[1]. I Asia er tindved ein viktig steppeplante. I Noreg veks tindved på havstrand og i urer frå Trondheim til Ibestad i Troms, og planten er dessutan funnen viltveksande i Lom, Skjåk og Stryn, på havstrand nær Grimstad, og fossil i kalktuff i Øyer. Tindved er vanleg på lyngheiane i Jylland.

Tindved
Tindved
Status
Status i verda: Livskraftig
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Roseordenen Rosales
Familie:	Sylvbuskfamilien Elaeagnaceae
Slekt:	Tindvedslekta Hippophae
Art:	Tindved H. rhamnoides
Vitskapleg namn
Hippophae rhamnoides L., 1753