Tine Kristiansen

Tine Rustad Kristiansen, gift Albertsen (fødd 12. februar 1980) er ein norsk handballspelar frå Lørenskog. Ho vart europameister med Noreg i 2008, og vann meisterligaen i 2011 med Larvik Håndballklubb.

Tine Kristiansen
Statsborgarskap	Noreg
Fødd	12. februar 1980 (45 år) Lørenskog
Yrke	handballspelar
Høgd	177 centimeter
Tine Kristiansen på Commons

Kristiansen spelte på Fjellhammer IL til 2002. Ho melde då overgang til Larvik HK og var med på å dominere norsk serie- og cuphandball i 13 år. Vanlegvis spelte ho venstre rykkrom-spelar, men også playmaker. Vinteren 2016 tok ho turen til Molde HK, men greidde ikkje å hindre at laget rykte ned frå eliteserien.

Kristiansen fekk sin landslagdebut 4. mars 2005 mot Spania, og den siste 25. september 2011 mot Russland. Ho fekk vere med i ein einaste meisterskap, handball-EM 2008, ei turnering som enda med norsk gull etter at Spania vart feia av handballparketten med sluttsifra 34-21 i finalen. Kristiansen deltok i 43 landskampar og skåra 52 mål.

Merittar

• EM 2008: Gullmedalje etter 34-21 mot Spania
• Vinnar av meisterligaen: 2011 med Larvik HK
• Vinnar av cupvinnarcupen: 2005 og 2008 med Larvik HK
• Seriemeister: 11 gongar med Larvik HK
• Noregsmeister: 12 gongar med Larvik HK

Kjelder

• Denne artikkelen bygger på «Tine Kristiansen» frå Wikipedia på bokmål, den 7. mai 2017.