Torget

Torget er ei øy sørvest i Brønnøy kommune i Nordland. Ho har eit areal på 16,4 km² og 778 innbyggjarar (2001). På øya ligg den kjente fjellformasjonen Torghatten. Øya, som eigentleg er samansett av to øyar, Innertorget og Yttertoget, er knytt til fastlandet med Brønnøysundbrua.

Torget
Geografi
Stad	Torgfjorden
Koordinatar	65°25′17″N 12°05′19″E
Areal	16,4 km²
Høgaste punkt	Torghatten (258 moh.)
Administrasjon
Land	Noreg
Fylke	Nordland
Demografi
Folketal	778 (2001)
Folketettleik	47 /km²

Aust for Torget ligg Torgfjorden og i nord ligg øya Sauren.

Namnet

Namnet vert uttala tå'rge^[1] eller tå'rglanne. Dativforma tår'rin er òg bruka. Frå sagalitteraturen er namnet Torgar kjend, dette er ei fleirtalsform, sidan Yttertorget og Innertorget eigentleg er to øyar. Namnet kjem truleg frå eit sterkt hokjønnsord *Torg, som i brønnøydialekt vil få tillagt -e i bunden form, jf. Torgjo i Bømlo. Ordet «*torg» kan tyde kløft, kløyve^[2]. Statens kartverk vedtok likevel i 1998 å bruke den innarbeidde namneforma Torget.