Tournai

Tournai (nederlandsk Doornik, latinsk Tornacum) er ein fransktalande kommune i Belgia, som ligg 85 kilometer sørvest for Brüssel, ved elva Schelde, i provinsen Hainaut og regionen Vallonia. Han har opp under 70 000 innbyggjarar.

Tournai
Domkyrkja i Tournai Domkyrkja i Tournai
Flagg Byvåpen
Land Region Provins	Belgia Vallonien Hainaut
Flatevidd	213,75 km²
Flatevidd  - By	213,75 km²
Innbyggjarar  • By (2006)    - folketettleik	67 534   315/km²
Koordinatar	50°36′N 03°23′E
Høgd	24 m
Tidssone	UTC+01:00 (UTC)
Postnummer	7500-7548
Retningsnummer	069
Nettstad: http://www.tournai.be
Plassering av Tournai i Hainaut Plassering av Tournai i Hainaut

Saman med Tongeren er Tournai den eldste byen i Belgia og byen har spelt ei viktig rolle for kulturhistoria i landet.

Geografi

Tournai ligg i låglandet i Belgia, ved den sørlege grensa av den flamske sletta. Administrativt er byen ein del av provinsen Hainaut og i seg sjølv ein del av Walloon-regionen i landet. Han er òg ein kommune som er ein del av det fransktalande Belgia. Tournai har sine egne arrondissement.

Området på 213,75 km² gjer han til den største kommunen i storleik i Belgia; han er òg den største i innbyggjartal i Vest-Hainaut. Distriktet Tournai består av dei tidlegare distrikta Ere, Saint-Maur, Orcq, Esplechin, Froyennes, Froidmont, Willemeau, Ramegnies-Chin, Templeuve, Chercq, Blandain, Hertain, Lamain, Marquain, Gaurain-Ramecroix, Havinnes, Beclers, Thimougies, Barry, Maulde, Vaulx, Vezon, Kain, Melles, Quartes, Rumillies, Mont-Saint-Aubert, Mourcourt og Warchin.

Folk frå Tournai

• Gilles Li Muisis, fransk kronikør og diktar (1200-talet)
• Rogier van der Weyden, flamsk målar (1400-talet)
• Jacques Daret, flamsk målar (1400-talet)
• Pierre de La Rue, fransk-flamsk komponist (1400-talet)
• Perkin Warbeck, bedragar og kandidat til trona i England (1400-talet)
• Charles Blount, hoffman (1500-talet)
• Donat Casterman, utgjevar (1700-talet)
• Piat Sauvage, målar (1800-talet)
• Louis Gallait, målar (1800-talet)
• Jean-Baptiste Moëns, filatelist (1800-talet)
• Jules Bara, statsmann (1800-talet)
• Georges Rodenbach, symbolistisk diktar og romanforfattar (1800-talet)
• Hélène Dutrieu, syklist og pilot (1800- og 1900-talet)
• Marc Quaghebeur, forfattar (1900-talet)
• Xaveer De Geyter, arkitekt (1900-talet)

Kjelder

• Denne artikkelen bygger på «Tournai» frå Wikipedia på bokmål, den 29. november 2008.

Bakgrunnsstoff

Wikimedia Commons har multimedia som gjeld: Tournai