Turboneger

Turboneger, kjend som Turbonegro i utlandet, er eit myteomspunne norsk pønkrock-band frå Follo. Sjølve kallar dei musikken sin death pønk. Gruppa vart danna i 1988 av Rune Grønn, Pål Bøttger Kjærnes og Thomas Seltzer.

Turboneger
Aktiv	1989–
Sjanger	pønkrock, hardrock, Glam punk
Plateselskap	Virgin Records
Prisar	Spellemannprisen i rock, Alarmprisen i rock, Alarmprisen for årets liveartist, Alarmprisen for årets liveartist, Gammleng-prisen

Turboneger på Southside Festival i 2005.

Historie

På det første albumet, Hot Cars and Spent Contraceptives, var Harald Fossberg vokalist. Han hadde tidlegare spelt i ei av dei tidlegaste pønkgruppene i Oslo, Hærverk. Då Harald Fossberg grunna sjukdom gav seg som vokalist i Turboneger hanka dei inn ein kjenning av han som ny vokalist, Hans-Erik Dyvik Husby. Dei to kjente kvarandre mellom anna frå RadiOrakel i Blitzhuset. Etter vokalistskiftet endra gruppa namn til Stierkampf og gav ut ei 10-toms EP-plate kalla Grunge Whore, før dei tok attende namnet Turboneger.

Gruppa opererte lenge som eit undergrunnsband og fekk ganske mange tilhengjarar – såkalla «Turbojugend» – med albuma Ass Cobra (1996) og Apocalypse Dudes (1998), men så vart gruppa brått oppløyst etter Hank von Helvete sitt heroinsamanbrot under Europa-turnéen i 1998.

I 2002 vart gruppa samla att og opptredde på Quartfestivalen det same året. I 2003 gjekk singelen Fuck The World frå albumet Scandinavian Leather til topp på hitlistene i Noreg. Denne plata vann Spellemannprisen 2003 i klassen rock.

Medlemer

• Tony Sylvester – vokal
• Thomas Seltzer kjend som «Happy Tom» – bass
• Pål Bøttger Kjærnes kjend som «Pål Pot» – keyboard
• Knut Schreiner kjend som «Euroboy» – gitar
• Rune Grønn kjend som «Rune Rebellion» – gitar
• Christer Engen kjend som «Chris Summers» – slagverk

Tidlegare medlemer

• Hans-Erik Dyvik Husby kjend som «Hank von Helvete» – vokal
• Pål Erik Carlin – vokal
• Harald Fossberg kjend som «Fuzz» – vokal
• Bengt A. Calmeyer kjend som «Bingo» – bass
• Vegard Heskestad – gitar
• Ole Martinsen – bass
• Anders Gerner – slagverk
• Christian Calmeyer
• Pål Klaastad

Prisar og utmerkingar

• Spellemannprisen 2003 i klassen rock for Scandinavian Leather
• Gammleng-prisen 2006 i klassen rock
• Alarmprisen 2003 i klassen beste liveband
• Alarmprisen 2004 i klassane beste liveband og rock

Diskografi

Album

• Hot Cars and Spent Contraceptives (1992)
• Helta Skelta (1993)
• Never is Forever (1994)
• Ass Cobra (1996)
• Apocalypse Dudes (1998)
• Scandinavian Leather (2003)
• Party Animals (2005)
• Retox (2007)

Konsertalbum

• Darkness Forever! (1999)

Samlealbum

• Love It to Deathpunk (2001)
• Small Feces (2005)

EP-ar

• Turboloid (1990)
• (He's a) Grunge Whore (1993)
• Stinky Fingers (1995)
• Flabby Sagging Flesh (1995)