Turn It On Again

«Turn It On Again» er ein singel av det britiske bandet Genesis frå albumet Duke frå 1980. Singelen nådde åttandeplassen i Storbritannia.^[1]

Turn It On Again Singlar av Genesis frå albumet Duke
B-side	«Behind the Lines» (Edit) (Storbritannia) «Evidence of Autumn» (USA)
Språk	engelsk
Utgjeve	8. mars 1980 (Storbritannia) August 1980 (USA)
Innspelt	Oktober–Desember 1979
Sjanger	Poprock
Lengd	3:50 (album) 3:44 (britisk singel) 3:27 (amerikansk singel)
Selskap	Charisma Records Atlantic (U.S., Canada)
Komponist	Tony Banks, Phil Collins, Mike Rutherford
Tekstforfattar	Tony Banks, Phil Collins, Mike Rutherford
Låtskrivar(ar)	Tony Banks, Phil Collins, Mike Rutherford
Produsent	Genesis, David Hentschel
Genesis-kronologi
«Deep in the Motherlode» (1978)	Turn It On Again	«Duchess» (1980)

Teksten, som var skriven av Mike Rutherford,^[2] omhandlar ein mann som berre sit heime og ser på fjernsyn, og vert så besett av folka han ser på skjermen at han trur dei er venene hans.

Songen har ein kompleks rymtisk struktur som er uvanleg for popmusikk. Verset og refrenget byter takt frå 6/4 til 7/4 (13/4),^[3] medan introduksjonen og mellomspelet er i 4/4 og 5/4 (9/4).

«Turn It On Again» vart mykje spelt på konsertane til Genesis og samlealbumet deira frå 1999, Turn It On Again: The Hits, er kalla opp etter songen, og det same var turneen deira i 2007, Turn It On Again: The Tour.

«Turn It On Again» har vorte nytta som musikk i ein reklame for General Motors. Han er òg med i spelet Grand Theft Auto: Vice City Stories. Songen vart spelt av Dream Theater på albumet A Change of Seasons.

Salslister

Liste (1980)	Plassering
UK Singles Chart[4]	8
Kanadiske RPM Top Singles[5]	49
Frarnkrike[6]	32
Irland (IRMA)[7]	12
US Billboard Hot 100	58
US Cash Box Top 100[8]	55

Medverkande

• Phil Collins - trommer, perkusjon, solovokal
• Tony Banks - klaverinstrument, korvokal
• Mike Rutherford - gitar, bassgitar