Unconditionally Guaranteed

Unconditionally Guaranteed er det åttande studioalbumet til Captain Beefheart og The Magic Band, utgjeve i 1974. Det vart spelt inn i Hollywood Sound i Los Angeles.

Unconditionally Guaranteed Studioalbum av Captain Beefheart og The Magic Band
Utgjeve	April 1974
Innspelt	1974
Studio	Hollywood Sound
Sjanger	Bluesrock[1]
Lengd	31:14
Selskap	Mercury (USA), Virgin (Storbritannia)
Produsent	Andy DiMartino
Captain Beefheart og The Magic Band-kronologi
Clear Spot (1972)	Unconditionally Guaranteed	Bluejeans & Moonbeams (1974)

Meldingar
Karakter
Kjelde	Karakter
Allmusic	[1]
Christgau's Record Guide	B–[2]
Rolling Stone Album Guide (1992)	[3]
Sounds	(middels)[4]

Då det kom ut vart det kritisert for å vere for kommersielt, men det selde likevel ikkje særskild godt og nådde berre 192. plassen på Billboard Top 200 i USA.

Etterverknad

Like etter albumet vart spelt inn slutta heile Magic Band. Som biografen Mike Barnes skreiv «Beefheart fekk i røynda sparken i si eiga gruppe.»^[5] Dei hadde blitt stadig meir avskrekka av mangelen på økonomisk suksess, etter å ha levd på matkort og donasjonar frå foreldra sine, og med den tyranniske kontrollen Beefheart hadde over gruppa. I følgje gitaristen Bill Harkleroad: «Me hadde fått nok av at han behandla oss som boksesekkar.»^[6]

Den tamme og lite utfordrande musikken var dråpen i begeret. Trommeslagaren Art Tripp sa «Då bandet til slutt fekk kopiane våre av albumet var me forskrekka. Etter kvart som me lytta var det som om kvar song vart verre enn den før på plata.»^[7]

Etter at kontrakten med Mercury Records tok slutt i 1974, fornekta Beefheart sjølv både denne og etterfølgjaren Bluejeans & Moonbeams. Han bad fansen om å «ta plata til butikken og få pengane attende» og kalla albuma «fryktelege og vulgære».^[8]

Innhald

Side ein

Nr.	Tittel	Lengd
1.	«Upon the My-O-My»	2:43
2.	«Sugar Bowl»	2:13
3.	«New Electric Ride»	3:02
4.	«Magic Be»	2:55
5.	«Happy Love Song»	3:54

Alle spor skrivne av Don and Jan Van Vliet and Andy DiMartino

Side to

Nr.	Tittel	Lengd
6.	«Full Moon, Hot Sun»	2:19
7.	«I Got Love on My Mind»	3:08
8.	«This Is the Day»	4:51
9.	«Lazy Music»	2:49
10.	«Peaches»	3:20

Medverkande

• Captain Beefheart (Don Van Vliet) – vokal, munnspel
• Alex St. Clair – gitar
• Zoot Horn Rollo (Bill Harkleroad) – gitar, glasfingergitar
• Rockette Morton (Mark Boston) – bass
• Art Tripp – trommer, perkusjon

Andre medverkande

• Mark Marcellino – klaverinstrument
• Andy DiMartino – akustisk gitar
• Del Simmons – tenorsaksofon, fløyte