Vahana

Vahana (frå sanskrit vah, 'å bera') er i hinduismen eit dyr som er knytte til ein særskild guddom. Guden bruker vahanaen til å ri på, men det viktigaste ved dyret er at det symboliserer ein vektlagt gudeeigenskap, til dømes elefant for rikdom, eller tiger for villskap. Svært ofte blir desse dyra framstilte i tempel til og avbildingar av gudane.

Dei ni devaene på vahanaene sine: Surya på ei vogn trekt av hestar, Tsjandra på ein pidestall, Jama på ein bøffel, Varuna på Hamsa (ei svane), Indra på elefanten Airavata, Kubera til hest, Agni på ein bukk, Rahu i skyer og Ketu på ei løve.

Mange gudar har meir enn éin vahana, som gjerne står for ulike sider ved guden.

Gud	Dyr	Dyrenamn	Bilete	Merknader
Sjiva	okse	Nandi		Kvit okse, avbilda i nesten alle Sjiva-tempel
Durga	løve eller tiger	Manasjtala
Ganesja	mus	Musjika
Visjnu	slange	Ananta-sjesja		I framstillingar der Visjnu søv medan universet blir skapt.
Visjnu	fugl	Garuda
Sarasvati	påfugl	nei		Kan også ri på ei svane, slik som maken Brahma
Laksjmi	elefantar	nei		Ofte to eller fire
Laksjmi	ugle	Uluka		Kvit ugle
Agni	sauebukk	nei
Ajjappan	tiger	nei
Bhairava	hund	nei
Brahma	svane/hamsa	nei
Ganga	makara	nei
Indra	elefant	Airavati		Kvit elefant
Indra	hest	Uttsjaissjravas
Jama	vassbøffel	nei		Svart
Jamuna	skjelpadde	nei
Kama	makara, papegøye	nei
Ketu	ørn	nei
Kubera	hest, mungo	nei
Murugan/Kartikeya	påfugl	Parvani
Murugan	elefant	nei
Sjani	ramn, kråke, gribb, okse[1]	nei
Sjasjti	katt[2]	nei
Sjukra	krokodille	nei
Surya	hest	nei		Vogn som blir trekt, anten av sju hestar eller éin hest med sju hovud
Tsjandra	antiloper, hestar, sauebukkar	nei		Vogn som blir trekt
Usjas	ku	nei		Vogn som blir trekt av sju kyr
Varuna	krokodille, makara (eit sjøfabeldyr), skjelpadde, svane	nei
Vaju	antilope	nei