Vierfamilien

Vierfamilien (Salicaceae), også kalla pilefamilien, er ein plantefamilie i vierordenen.^[1] Alle artane i familien er buskar eller tre med spreidde blad. Dei fleste har blomar utan kronblad og ofte også begerblad.^[2]

Svartpoppel (Populus nigra)

Vierfamilien
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Vierordenen Malpighiales
Familie:	Vierfamilien Salicaceae Mirb., 1815

Plantar frå vierfamilien veks i nesten alle landområde som ikkje er dekte av is, men opptrer ikkje i Sahara, Den arabiske ørken, Atacamaørkenen, sørlege Patagonia, New Zealand eller størstedelen av Australia.

Alle artane frå familien i Europa tilhøyrar anten vierslekta (Salix) eller poppelslekta (Populus). Begge desse slektene omfattar særbu-tre og -buskar som blomstrar før lauvsprett. Dei er hurtigveksande og kan lett formeira seg vegetativt. I Noreg veks naturleg osp (Populus tremula) og ei rekke artar av pil, selje og vier som tilhøyrer slekta Salix.

I Cronquist-systemet omfatta familien berre dei tre slektene Salix, Populus og Chosenia, og han var plassert i ein eigen orden, Salicales. I APG III-systemet inneheld familien 55 slekter og er del av vierordenen (Malpighiales). Mange av slektene som er tilførte familien kom frå den no utgåtte familien Flacourtiaceae.