Viking Fotballklubb

Viking Fotballklubb er ein norsk fotballklubb frå Stavanger i Rogaland. Klubben har både herrelag og damelag.^[1][2]

Viking

Fullt namn	Viking Fotballklubb
Kallenamn	Dei mørkeblå
Grunnlagd	10. august 1899; 126 år sidan (1899-08-10)
Heimebane	Lyse Arena (kapasitet: 15 900)
Hovudtrenar	Noreg Bjarte Lunde Aarsheim  Noreg Morten Jensen
Supporterklubb	Vikinghordene
Liga	Eliteserien (2025)
Nettstad	Heimeside
Heimedrakt Bortedrakt
Noverande sesong

Herrelaget spelar i Eliteserien, medan damelaget spelar i 1. divisjon frå og med 2025-sesongen. I tillegg har Viking breiddeverksemd og lag på fleire nivå i seriesystemet.

Klubben vart grunnlagd den 10. august 1899 og er den største og leiande fotballklubben i Rogaland. Viking vert rekna som eitt av dei mest meritterte laga i norsk fotball gjennom tidene, med åtte seriemeisterskap og seks cupmeisterskap.

Viking spelar heimekampane sine på Lyse Arena i Jåttåvågen (tidlegare kjent som Viking stadion). Stadion vart opna den 1. mai 2004. Før det nye stadionet opna, var Stavanger stadion på Eiganes heimebana. Draktene til laget består tradisjonelt av mørkeblå trøyer, kvite bukser og mørkeblå sokkar.

Viking kvinner

Utdjupande artikkel for dette emnet er Viking Fotballklubb Kvinner.

Viking sitt damelag spelar i 2025-sesongen i 1. divisjon fotball for kvinner. Laget spelar heimekampane sine på Lyse Arena i Jåttåvågen, som vart opna i 2004.

Draktene til Viking Kvinner er dei same som for herrelaget: mørkeblå trøyer, kvite bukser og mørkeblå sokkar.

Viking menn

Med andreplassen sin på maratontabellen^[når?] er herrelaget til Viking eitt av dei mest suksessrike fotballaga i Noreg gjennom historia. Laget har spela i toppdivisjonen sidan denne vart etablert, med unntak av sesongane 1966–67, 1987–88 og 2018.

Viking har til saman vunne åtte seriemeisterskap og seks noregmeisterskap. Herrelaget spelar heimekampane sine på Lyse Arena. Tilskodarrekorden på stadion for seriekamp er 16 600 mot Brann 24. juni 2007. Kapasiteten er 15 900 tilskodarar.

Eliteserien 2025

Utdjupande artikkel for dette emnet er Viking Fotballklubb (menn) i 2025.

Mal:Eliteserien 2025 tabell

Spelarstall (herrar)

Oppdatert 15. juli 2025 ^[3]

Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 1 K Arild Østbø 2 F Herman Haugen 3 F Viljar Vevatne 4 F Martin Ove Roseth 5 F Henrik Heggheim 6 MB Gianni Stensness 7 A Sander Svendsen 8 MB Joe Bell 9 A Nicholas D’Agostino 10 MB Zlatko Tripić 11 A Yann-Erik de Lanlay 13 K Kristoffer Klaesson 17 A Edvin Austbø 18 F Sondre Bjørshol

Nr. Posisjon Spelar 19 MB Kristoffer Askildsen 20 A Peter Christiansen 21 F Anders Bærtelsen 23 F Kristoffer Haugen 24 F Vetle Auklend 25 F Henrik Falchener 26 MB Simen Kvia-Egeskog 28 A Hilmir Rafn Mikaelsson 30 K Thomas Kinn 31 MB Niklas Fuglestad 33 MB Jakob Segadal Hansen 35 F Tobias Moi

Utlånte spelarar

Note: Flagga viser til landslaget som spelaren kan spela for, som definert av FIFA sine reglar. Spelarane kan ha fleire nasjonalitetar i annan forstand.

Nr. Posisjon Spelar 12 K Magnus Rugland Ree (på utlån til Åsane til 30. juni 2025) 22 K Franco Lino (på utlån til Melbourne Victory til 31. desember 2025) 51 K Aksel Bergsvik (på utlån til Sandviken til 31. desember 2025) 51 K Ola Visted (på utlån til Hødd til 31. desember 2025)

Nr. Posisjon Spelar 32 MB Kasper Sætherbø (på utlån til Mjøndalen til 30. juni 2025) A Jørgen Galta (på utlån til Sandnes Ulf til 31. desember 2025) F Felix Aleksander Berger Lillehammer (på utlån til Jerv til 31. desember 2025)

Historie

Idrettslaget Viking vart grunnlagd i Stavanger 10. august 1899. Den første fotballen som Viking kjøpte, vart levert frå Hall & Hamlin i Hull i England i september 1899.^[4] På 1950-talet hadde klubben grupper for herrefotball, friidrett, boksing, bryting, handball og orientering. I 1986 vart idrettslaget delt opp i Viking Fotballklubb, Viking Ishockeyklubb og Viking Håndball.

Viking FK er ein av dei mest suksessrike klubbane i norsk fotballhistorie. Herrelaget har andreplass på maratontabellen frå 1949 til 2018.^[5] Viking har spela i toppdivisjonen med berre tre korte unntak (1966–67, 1987–88 og 2018). Klubben har til saman vunne åtte seriemeisterskap (1958, 1972, 1973, 1974, 1975, 1979, 1982, 1991) og seks noregmeisterskap (1953, 1959, 1979, 1989, 2001 og 2019).

Lyse Arena

Utdjupande artikkel for dette emnet er Viking stadion.

Lyse Arena (tidlegare Viking stadion) er heimearenaen til Viking. Frå 1917 spelte Viking heimekampane sine på Stavanger stadion, men på 2000-talet kom det konkrete planar om å flytta og byggja eit nytt fotballstadion. 1. mai 2004 vart Viking stadion opna då Viking spelte 1–1 i seriekampen mot Molde framfor 15 300 tilskodarar. Tilskodarsnittet den sesongen vart 12 439, det høgaste snittet i Vikings historie. Den noverande rekorden er frå 2007, med 15 936 i snitt.^[6]

Stadion ligg ved Jåttåvågen i Hinna bydel. Anlegget har berre sitjeplassar, varmelampar i taket og moderne fasilitetar. Lyse Arena har òg VIP-område med plass til om lag 1 040 VIP-gjester, og den totale tilskodarkapasiteten er 15 900. Arenaen vert òg nytta til større konsertar.

Merittar (herrar)

• Seriemeisterskap (8): 1958, 1972, 1973, 1974, 1975, 1979, 1982, 1991
• Sølv i serien (2): 1981, 1984
• Bronse i serien (9): 1968, 1971, 1978, 1994, 1996, 2000, 2001, 2007, 2021, 2024
• Cupmeisterskap (6): 1953, 1959, 1979, 1989, 2001, 2019
• Cupfinalar (sølv) (5): 1933, 1947, 1974, 1984, 2000

Flest mål for Viking (herrar)

Spelar	Mål	Periode
Reidar Kvammen	202	1931–1952
Trygve Johannessen	181	1974–1982
William Danielsen	180	1931–1952
Arthur Kvammen	176	1924–1940
Egil Østenstad	167	1990–2005

Flest kampar for Viking (herrar)

Erik Johannessen står med 501 kampar for Viking mellom 1971 og 1983.

#	Spelar	Kampar	Periode
1	André Danielsen	553	2003–2019
2	Svein Kvia	551	1965–1980
3	Sigbjørn Slinning	523	1961–1982
4	Erik Johannessen	501	1971–1983
5	Torbjørn Svendsen	500	1974–1986
6	Sverre Andersen	482	1952–1971
7	Thomas Pereira	431	1997–2009
8	Bjarte Lunde Aarsheim	425	1993–2005
9	Olav Nilsen	414	1959–1974
10	Isak Arne Refvik	407	1976–1986

Kjende spelarar

Brede Hangeland vart cupmeister med Viking i 2001.

Reidar Kvammen		Isak Arne Refvik
Edgar Falch		Bjarne Berntsen
Sverre Andersen		Svein Fjælberg
Olav Nilsen		Erik Thorstvedt
Reidar Goa		Gunnar Aase
Sigbjørn Slinning		Thomas Myhre
Svein Kvia		Erik Nevland
Erik Johannessen		Brede Hangeland
Trygve Johannessen		Rune Jarstein

André Danielsen er den Vikingspelaren med flest kampar, med 553 før han la opp i 2019.^[7]

Supporterklubb

Vikinghordene er Viking sin offisielle supporterklubb. Viking Oslo er supportergruppa i Oslo, medan Viking Hamar er supportergruppa på Hamar.^[8][9]