We're an American Band

We're An American Band er det sjuande studioalbumet av det amerikanske hardrockbandet Grand Funk Railroad, her berre kalla Grand Funk. Albumet kom ut på Capitol Records den 15. juli 1973 og selde til gullplate i USA litt over ein månad etter det kom ut.^[1] Det vart gjeve ut to singlar frå albumet. Den første singelen, «We're an American Band», kom ut 2. juli 1973 og den andre, «Walk Like a Man», kom ut den 29. oktober 1973.^[2] Begge singlane vart sungen av trommeslagaren Don Brewer.

We're An American Band Studioalbum av Grand Funk Railroad
Utgjeve	15. juli 1973[1]
Innspelt	12.-15. juni 1973 i Criteria Studios i Miami i Florida
Sjanger	Hardrock
Lengd	39:48
Selskap	Capitol
Produsent	Todd Rundgren
Grand Funk Railroad-kronologi
Phoenix (1972)	We're An American Band	Shinin' On (1974)
Singlar frå We're An American Band
«We're an American Band»/«Creepin'» Utgjeve: 2. juli 1973[2] «Walk Like a Man»/«The Railroad» Utgjeve: 29. oktober 1973[2]

Meldingar
Karakter
Kjelde	Karakter
Allmusic	[3]
Robert Christgau	B−[4]

Plateomslaget var opphavleg dekt i ein gullfarga folie på utsida og dei første platene var trykt i klår, mørkegul vinyl. Albumet har sidan blitt gjeven ut i mange format. Ein kvadrofonisk miks av albumet vart gjeve ut på 8-spors lydband.

Albumet ligg på 200. plass på lista til National Association of Recording Merchandisers (NARM) over dei 200 definitive albuma gjennom tidene.

Innspeling og produksjon

We're an American Band var det første samarbeidet til gruppa med produsenten og lydteknikaren Todd Rundgren. Rundgren og bandet spelte inn albumet i Criteria Studios i Miami i Florida den 13.-15. juni 1973. Rundgren produserte òg det neste albumet deira, Shinin' On (1974), før bandet byta til Jimmy Ienner.

Den originale vinylplata, og singelen «We're an American Band», kom ut på gjennomsiktig, gul vinyl, symbolsk for «gullplate». På etiketten stod det ei melding til lyttarane om å spele «at full volume».

Mottaking

We're an American Band vart det albumet av bandet som vart best motteken av kritikarane så langt. Robert Christgau gav albumet B-, den høgaste karakteren han hadde gjeve eit Grand Funk Railroad-album til då.^[4] Ei moderne melding av albumet av William Ruhlmann for Allmusic sa at albumet var ulikt det bandet vanlegvis hadde gjort, hovudsakleg på grunn av produksjonen til Todd Rundgren og at Don Brewer stadig song meir av songane. Ruhlmann sa òg at albumet høyrdest meir profesjonelt ut enn dei førre albuma.^[3]

Innhald

Side ein

Nr.	Tittel	Låtskrivar(ar)	Solovokal	Lengd
1.	«We're an American Band»	Don Brewer	Brewer	3:27
2.	«Stop Lookin back»	Brewer, Farner	Brewer	4:52
3.	«Creepin'»	Mark Farner	Farner	7:02
4.	«Black Licorice»	Brewer, Farner	Brewer	4:45

Side to

Nr.	Tittel	Låtskrivar(ar)	Solovokal	Lengd
5.	«The Railroad»	Farner	Farner	6:12
6.	«Ain't got nobody»	Brewer, Farner	Farner	4:26
7.	«Walk Like a Man»	Brewer, Farner	Brewer	4:05
8.	«Loneliest Rider»	Farner	Farner	5:17

Bonusspor på CD-utgåva frå 2002

Nr.	Tittel	Låtskrivar(ar)	Solovokal	Lengd
9.	«Hooray»	Brewer, Farner	Brewer, Farner	4:05
10.	«The End»	Brewer, Farner	Brewer	2:49
11.	«Stop Looking Back» (Acoustic Mix)	Brewer, Farner	Brewer	3:04
12.	«We're an American Band» (2002 Remix)	Brewer	Brewer	3:32

2002 reissue bonus tracks:9-12

Medverkande

Etter plateomslaget^[5]

• Mark Farner – vokal, gitar, akustisk gitar, conga; elektrisk piano på «Creepin»
• Craig Frost – orgel, clavinet, elektrisk piano, Moog
• Mel Schacher – bass
• Don Brewer – vokal, trommer, perkusjon

Produksjon

• Todd Rundgren – produsent, lydteknikar
• Seth Snyder – assisterande lydteknikar
• Lynn Goldsmith & Andrew Cavaliere – Plateomslag
• Lynn Goldsmith – fotografi
• John Hoernle – kunstnarisk leiar
• Andrew Cavaliere – management

Lister

Liste (1973)	Plassering
Canada[6]	4
Tyskland[7]	46
Noreg[8]	12
US Billboard 200[9]	2

Singlar

År	Singel	Liste	Plassering
1973	«We're an American Band»	Billboard Hot 100	1[10]
		Canada	4
		Australia	87
	«Walk Like a Man»	Billboard Hot 100	19[11]
		Canada	16